Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Gandboldan álem chempıonaty: Qazaqstan qyzdary búgin Norvegııamen kezdesedi

2021 jyldyń 3 jeltoqsan 2021 14:31

NUR-SULTAN. QazAqparat - Búgin gandboldan álem chempıonatynda Qazaqstan qyzdar quramasy alǵashqy oıynyn Norvegııaǵa qarsy ótkizedi, dep habarlaıdy QazAqparat tilshisi.

Álem chempıonaty 1-19 jeltoqsan aralyǵynda Ispanııanyń Lırııa, Kastelon, Granolers, Torreveha qalalarynda ótkiziledi. Dúbirli dodada barlyǵy 32 qurama baq synaıdy.

Qazaqstan qyzdary S tobynda synǵa túsedi. Qarsylastary – Norvegııa, Rýmynııa jáne Iran quramalary.

Ulttyq qurama búgin Norvegııamen sheberlik baıqasady. Oıyn elorda ýaqytymen 01:20-de bastalyp, Qazsport telearnasynan tikeleı efırde kórsetiledi.

Qazaqstan quramasy buǵan deıin álem chempıonaty fınaldyq satysynda 5 márte baq synady. 2007 jyly 18, 2011 jyly 19, 2009, 2015, 2019 jyldarda 22 oryndy qanaǵat tutty. Al Olımpıada oıyndarynda 2008 jyly 10 oryn aldy.

Norvegııa - álemdegi úzdik quramanyń biri. Olımpıada oıyndarynda 2 márte chempıon atansa, 2 ret kúmis, 2 ret qola júldeger boldy. Al álem chempıonatynda 3 altyn, 4 kúmis, 3 qola medalǵa qol jetkizdi. Sondaı-aq, Eýropa chempıonatynda birneshe márte úzdik úshtikten kórindi.

Álem chempıonatynda ózge quramalar tómendegishe toptarǵa bólingen:

A toby: Frantsııa, Chernogorııa, Angola, Slovenııa

V toby: Reseı, Serbııa, Kamerýn, Polsha

D toby: Nıderlandy, Shvetsııa, Pýerto-Rıko

E toby: Germanııa, Vengrııa, Slovakııa, Chehııa

F toby: Danııa, Ońtústik Koreıa, Kongo Respýblıkasy, Týnıs

G toby: Japonııa, Brazılııa, Horvatııa, Paragvaı

H toby: Ispanııa, Avstrııa, Qytaı, Argentına

Fınal 19 jeltoqsanda bolady.


Avtor Ádiljan Úmbet
Basty sózder: Sport,
Joǵary qaraı