Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ǵalymdardyń ortasha jalaqysy 152 myń teńgeden 257 myńǵa deıin ósti

2022 jyldyń 12 sáýir 2022 13:28

NUR-SULTAN. QazAqparat – Bıyldan bastap 5 myńnan astam ǵalym laıyqty ári turaqty jalaqy alady. Buǵan deıin zańnama ǵalymdarǵa turaqty aılyq tóleýge múmkindik bermegen edi, dep habarlaıdy QazAqparat tilshisi.

QR Bilim jáne ǵylym mınıstrligi Ǵylym komıtetiniń tóraǵasy Janna Qurmanǵalıeva ortalyq komýmnıkatsııalar qyzmetinde ótken brıfıngide osyndaı málimet aıtty.

«Prezıdent byltyr tıisti tapsyrma berip, tez arada zańǵa ózgeris engizý kerek degennen keıin 2,5 aıda tıisti zań jobasyn daıyndap, Memleket basshysy 15 qarashada tıisti qujatqa qol qoıdy. Nátıjesinde 1 200 ǵalym bıyldan bastap aı saıyn, konkýrstan tys, turaqty aılyq alatyn bolady. Ol 74 ǵylymı uıym 10 memlekettik organǵa tıesili. Sonymen qatar irgeli zertteýlermen aınalysatyn ıntıtýttardyń 100 paıyz shtattyq qurylymy jalaqysyn da alady, ǵylymı jumysqa qajetti qarjylandyrýdy da alady, satyp alatyn qondyrǵylarǵa da qarajat bólingen. Bul keminde 4 myń ǵalymǵa qatysty. Sonda qazir 5 myńnan astam ǵalym aı saıyn turaqty, mólsheri de ómirge jetkilikti jalaqy alady», - dedi Janna Qurmanǵalıeva.

Bilim jáne ǵylym mınıstriginiń baspasóz qyzmeti usynǵan derek boıynsha, Qazaqstanda ǵalymdardyń ortasha jalaqysy ósken.

«Buryn 152 myń teńge bolsa, endi ol 257 myń teńgege ósip, 1,5 mıllıon teńgege deıin ózgerip otyrady. Buryn ǵalymdardyń jalaqysy turaqsyz bolyp, konkýrstardyń nátıjelerine baılanysty bolatyn. Endi qabyldanǵan zańnamalyq túzetýlerdiń arqasynda jetekshi ǵalymdardyń (1 200 adam) jalaqysy bazalyq qarjylandyrýǵa qosyldy. Bul rette ǵalymdarǵa tólenetin qosymsha avtorlyq syıaqynyń jalpy somasy 338 mln teńgege teń. Al ınnovatsııalyq jobalardy satýdan túsken tabys 16,3 mlrd teńgeni qurady»,-delingen mınıstrliktiń málimette.

Janna Qurmanǵalıevanyń aıtýynsha, Qazaqstanda 1 mln halyqqa 1 172 ǵalymnan keledi.


Joǵary qaraı