Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ǵalym Qazaqstan ekonomıkasynyń arqaýyn aýyl sharýashylyǵy etip alýdy usyndy

2022 jyldyń 20 qańtar 2022 18:26

NUR-SULTAN. QazAqparat –Ekonomıka ǵylymdarynyń doktory Álken Temirbolatov Qazaqstan ekonomıkasynyń arqaýyn aýyl sharýashylyǵy etip alýdy usyndy, dep habarlaıdy QazAqparat tilshisi.

Mundaı pikirdi ol «Habar» telearnasyndaǵy «Bolshaıa nedelıa» atty baǵdarlamada aıtty.

«Bárimiz KSRO quramynda bolǵanda Qazaqstandaǵy ınjenerler men ónerkásip jumysshylarynyń eńbekke jaramdy halyqtyń arasyndaǵy úlesi 21 paıyz bolǵan. Kórshi elderdiń ishindegi eń az úles bizde edi. Reseıde – 83 paıyz, Tájikstanda – 48 paıyz, Ózbekstanda 53 paıyz, Túrkmenstanda – 25 paıyz, Qyrǵyzstanda – 25 paıyz boldy. ıAǵnı, bizde agrarlyq qoǵam boldy. Sol agrarlyq sanamen ártarapty ekonomıka qurýǵa tyrysyp jatyrmyz. Aýylda jumys joq qazir. Sondyqtan eldegi eń mańyzdy mınıstrlik – Aýyl sharýashylyǵy mınıstrligi bolý kerek. Jumys oryndary degen sol. Biraq bul salanyń basshylary urlyqty qoıýy kerek. Qazir olar bul iste aldyna jan salmaıdy», - dedi ekonomıst.

Onyń aıtýynsha táýelsizdiktiń alǵashqy jyldarynda Qazaqstan memlekettik qurylymnyń sátsiz ulgisin tańdap alǵan.

«Biz memlekettik qurylymnyń orys modelin tańdap aldyq ıAǵnı halyq eshqandaı sheshimge yqpal ete alǵan joq. Tek eldiń birinshi basshysy ǵana sheshim shyǵara alady degen túsinik boldy. Osylaısha sheshim shyǵarýǵa quzyrettiler búkil ıgiliktiń ıesine aınaldy.

2011-2012 jyldary biz 170 mlrd teńge shyǵyndap, 60 myń jumys ornyn ashyqtyq Sol kezde dollar baǵamy 185 teńge bolǵanyn eskersek, bir jumys ornyn qurý úshin 18,5 myń dollar aqsha jumsaǵanbyz. Kosmanavt daıyndasaq bir sári. Sol kezde-aq aqsha urlanyp jatqanyn aıtqanbyz», - dedi ǵalym.

Ekonomıka ǵylymdarynyń doktory buǵan deıin aýyl sharýashylyǵynda kooperatsııalardy damytý bastamasy durys kóterilgenimen, tásili tıimsiz bolǵanyn aıtady.

«Memleket usynǵan kooperatsııany nege aýyl halqy qoldap áketpedi? Óıtkeni qurylymy durys emes edi. Ol kooperatıvterdi ákim basqaratatyn halyq túsindi. Sonda da kúshpen kirgizdi. Aıaǵynda is orta jolda qaldy. Kooperaıtsıa sharýalardyń óz nıetimen iske asýy kerek. Sonda ǵana nátıje bolady. Kooperatıvterdiń bıligi ózderinde bolýy kerek. Halyqaralyq prıntsıpter boıynsha qurylmasa, oǵan eshkim senbeıd», - dedi Álken Temirbolatov.


Joǵary qaraı