Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

G7 elderi Aýǵanstan áıelderiniń quqyǵyna shekteýlerdi joıý jóninde úndeý qabyldady

2022 jyldyń 13 mamyr 2022 09:20

BRıÝSSELЬ. QazAqparat – «Úlken jetilik» (G7) elderiniń syrtqy ister mınıstrleri Germanııada kezdesý ótkizip jatyr, dep habarlaıdy QazAqparattyń menshikti tilshisi.

Beısenbi kúni «Úlken jetilik» elderiniń syrtqy ister mınıstrleri Aýǵanstandaǵy áıelder men qyzdardyń quqyǵyna qatysty málimdeme jasady.

«Biz – Kanada, Frantsııa, Germanııa, Italııa, Japonııa, Birikken Koroldiktiń jáne Amerıka Qurama Shtattarynyń «Úlken jetilik» syrtqy ister mınıstrleri, sondaı-aq Eýropalyq odaqtyń Joǵarǵy ókili «Talıban» qozǵalysy tarapynan Aýǵanstandaǵy qyzdar men áıelderdiń quqyǵy men bostandyǵyna qarsy engizilip otyrǵan shekteýlerdiń kúsheıýine úzildi-kesildi qarsylyǵymyzdy jáne ókinishimizdi bildiremiz», - delingen málimdemede.

Qujatta atap ótilgendeı, «Úlken jetilik» elderiniń syrtqy saıasat vedomstvolarynyń basshylary Aýǵanstan halqynyń ózderine teń quqyqtar berý talabyn qoldaıdy.

«...24 naýryzda Norvegııamen birlesip jasalǵan málimdemeni negizge ala otyryp, biz «Talıbandy» áıelder men qyzdarǵa qoıylǵan shekteýlerdi alyp tastaýǵa, adam quqyǵyn qurmetteýge, olardyń eńbekke, bilim alýǵa jáne qoǵamdyq ómirge tolyqqandy, teńquqyly jáne maǵynaly qatysýyn qamtamasyz etý úshin aýǵandyqtar men búkil álemniń úmitin aqtaýǵa, sondaı-aq eldegi uzaqmerzimdi beıbitshilik, turaqtylyq pen damýda sheshýshi mánge ıe – júrip-turýǵa jáne sóz bostandyǵyna kepildik berýge shaqyramyz», - delingen málimdemede.


Basty sózder: Adam quqyǵy, Aýǵanstan, Álem,
Joǵary qaraı