Fýtzaldan Eýropa chempıonaty: Reseı men Horvatııa qarsylastaryn qapy qaldyrdy

NUR-SULTAN. QazAqparat - Fýtzaldan 2022 jylǵy Eýropa chempıonaty fınaldyq satysy toptyq kezeńindegi úshinshi oıyn kúniniń nátıjesi belgili boldy, dep habarlaıdy QazAqparat tilshisi.

Aıta ketsek, 21 qańtarda S tobyndaǵy quramalar synǵa tústi. Bul kúni Reseı Slovakııany 7:1, Horvatııa Polshany 3:1 esebimen tize búktirdi.

Endi atalǵan topta 25 qańtarda Reseı men Horvatııa, Polsha men Slovakııa quramalary sheberlik baıqasady.

Sondaı-aq, búgin D tobynda alǵashqy týr oıyndary ótkiziledi.

Atalǵan topta Grýzııa men Ázerbaıjan, Ispanııa men Bosnııa jáne Gertsogovına quramalary synǵa túsedi.

Eske salsaq, V tobynda oınaıtyn Qazaqstan birinshi týrda Slovenııamen 4:4, Italııa men Fınlıandııa 3:3 esebimen teń tústi.

Ekinshi týrda Italııa men Slovenııa, Qazaqstan men Fınlıandııa alańǵa shyǵady.

Aıta ketsek, Qazaqstan quramasy buǵan deıin Eýropa chempıonaty fınal satysynda eki márte synǵa tústi. 2016 jyly - 3, 2018 jyly 4-oryn aldy.

Eýropa chempıonaty 1996 jyldan beri turaqty túrde ótkizilip keledi.

Búginge deıin Ispanııa - 7, Italııa - 2, Reseı men Portýgalııa bir márte chempıon atandy.