Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Fýtzaldan Eýropa chempıonaty: Qazaqstan quramasy Slovenııamen kezdesedi

2022 jyldyń 20 qańtar 2022 12:44

NUR-SULTAN. QazAqparat - Búgin fýtzaldan 2022 jylǵy Eýropa chempıonatynda Qazaqstan quramasy toptyq kezeńdeni alǵashqy oıynyn ótkizedi, dep habarlaıdy QazAqparat tilshisi.

Qazaqstandyq fýtzalshylar búgin Slovenııamen sheberlik baıqasady.

Kezdesý elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.

Sondaı-aq, atalǵan topta elorda ýaqytymen 01.30-da Italııa jáne Fınlıandııa quramalary kezdesedi.

Slovenııa ortanqol quramanyń qatarynda sanalady. Qazirge deıin álem chempıonaty fınaldyq kezeńinde birde-bir márte baq synap kórgen emes.

Eýropa chempıonatynda 2003, 2010 jyldarda toptyq kezeńnen asa almasa, 2014, 2018 jyldarda 1/8 fınalǵa deıin jetti.

Eske salsaq, qazaqstandyq qurama V tobynda synǵa túsedi. Qarsylastary - Italııa, Slovenııa jáne Fınlıandııa.

Aldymen qazaqstandyq fýtzalshylar 20 qańtarda Slovenııamen kezdesse, 24 qańtarda Fınlıandııamen, 28 qańtarda Italııamen sheberlik baıqasady.

Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan kúnderi ótkiziledi.

Eýropa chempıonaty 1996 jyldan beri turaqty túrde ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.

Eske salsaq, Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly 4-oryn aldy.

Eýropa chempıonatynda 19 qańtarda A tobyndaǵy Portýgalııa Serbııadan 4:2, Nıderlandy Ýkraınadan 3:2 esebimen basym tústi.


Avtor Ádiljan Úmbet
Basty sózder: Sport,
Joǵary qaraı