Fýtzaldan Eýropa chempıonaty: Búgin Qazaqstan Fınlıandııamen kezdesedi

NUR-SULTAN. QazAqparat - Búgin fýtzaldan 2022 jylǵy Eýropa chempıonatynda Qazaqstan quramasy toptyq kezeńdegi ekinshi oıynyn Fınlıandııaǵa qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 01.30-da bastalyp, «Qazsport» telearnasynan tikeleı efırde kórsetiledi.

Sondaı-aq, atalǵan topta elorda ýaqytymen 22.30-da Italııa jáne Slovenııa quramalary kezdesedi.

Fınlıandııa ortanqol quramanyń qatarynda sanalady. Qazirge deıin álem chempıonaty fınaldyq kezeńinde birde-bir márte baq synap kórgen emes. Al Eýropa chempıonaty fınaldyq satysyna tuńǵysh márte qatysyp otyr.

Eske salsaq, qazaqstandyq qurama V tobynda synǵa túsedi. Qarsylastary - Italııa, Slovenııa jáne Fınlıandııa.

Qazaqstandyq fýtzalshylar 20 qańtarda Slovenııamen 4:4, Fınlıandııa Italııamen 3:3 esebimen teń oınady.

Qazaqstandyq fýtzalshylar budan keıin 28 qańtarda Italııamen sheberlik baıqassa, Fınlıandııa Slovenııamen oınaıdy.

Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan kúnderi ótkiziledi.

Eýropa chempıonaty 1996 jyldan beri turaqty túrde ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.

Eske salsaq, Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly 4-oryn aldy. Eýropa chempıonatynda 19 qańtarda A tobyndaǵy Portýgalııa Serbııadan 4:2, Nıderlandy Ýkraınadan 3:2 esebimen basym tústi.