Fýtzaldan Eýropa chempıonaty -2022: Qazaqstan quramasynda kimder oınaıdy
NUR-CULTAN. QazAqparat - Fýtzaldan 2022 jylǵy Eýropa chempıonaty fınaldyq satysynda synǵa túsetin Qazaqstan quramasynyń tolyq quramy jarııalandy, dep habarlaıdy QazAqparat tilshisi.
Bas bapker Rıkardý Kaka oǵan qatysatyn 14 shákirtiniń esimin atady. Olardyń qatarynda qaqpashylar - Igıta men Raýan Atantaev, oıynshylar - Taınan, Nurbek Qaraǵulov, Edson, Leo, Azat Valıýllın, Albert Aqbalyqov, Shyńǵys Esenamanov, Arnold Knaýb, Dáýren Tursaǵulov, Jomart Toqaev, Dýglas, Birjan Orazov bar.
Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan ótkiziledi.
El quramasy V tobynda synǵa túsedi. Qarsylastary - Italııa, Slovenııa jáne Fınlıandııa.
Aldymen 20 qańtarda Slovenııamen kezdesse, 24 qańtarda Fınlıandııamen, 28 qańtarda Italııamen sheberlik baıqasady.
Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly - 4 oryn aldy.
Eske salsaq, budan buryn Qazaqstan quramasy álem chempıonatynda tórtinshi oryn aldy.
