Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan Chempıondar lıgasy: «Qaırat» jarystyń kelesi satysyna shyqty

2021 jyldyń 31 qazan 2021 00:08

NUR-SULTAN. QazAqparat - Búgin fýtzaldan UEFA Chempıondar lıgasy negizgi satysynda «Qaırat» jáne «Atyraý» ekinshi oıyndaryn ótkizdi, dep habarlaıdy QazAqparat tilshisi.

Almatylyq «Qaırat» úshinshi oıynda Italııanyń «Pezaro» komandasymen kezdesti.

Oıynnyń 7-mınýtynda Italııa klýbynan Felıpe Tonıdandel esep ashty. Oǵan 17-mınýtta Dáýren Tursaǵulov bir golmen jaýap qaıyrsa, ol 27-mınýtta ekinshi márte qaqpany dál kózdedi.

Al 34-mınýtta ıtalııalyq klýbtan Adolfo Salas mergendik tanytsa, kóp uzamaı Dıego Favero qaıtadan «Qaıratty» alǵa shyǵardy.

Osylaısha «Qaırat» qarsylasyn 3:2 esebimen jeńip, tórtinshi topta birinshi oryn aldy. Odan keıingi oryndardaǵy «Plzen» jáne «Tıýmen» de jarystyń kelesi satysynda synǵa túsedi.

Budan buryn almatylyq ujym Chehııanyń «Plzen» jáne Reseıdiń «Tıýmen» komandalarymen 3:3 esebimen teń oınady.

Sondaı-aq, búgin ekinshi topta synǵa túsken qazaqstandyq «Atyraý» Frantsııanyń Aner Vılnev 92» komandasyna 0:6 esebimen jol berdi. Atyraýlyq fýtzalshylar budan buryn Slovenııanyń «Dobovetsine» 1:2, Portýgalııanyń «Sportıng» klýbyna 1:8 esebimen jol berdi.

Óz tobynda tórtinshi oryndy mise tutqan «Atyraý» jarys jolynan shyǵyp qaldy.

Avtor Ádiljan Úmbet
Basty sózder: Fýtbol, Sport,
Joǵary qaraı