Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan Chempıondar lıgasy: «Qaırat» chehııalyq komandamen teń tústi

2021 jyldyń 27 qazan 2021 23:07

NUR-SULTAN. QazAqparat - Búgin fýtzaldan UEFA Chempıondar lıgasy negizgi satysynda «Qaırat» alǵashqy oıyndaryn ótkizdi, dep habarlaıdy QazAqparat tilshisi.

Búgin qazaqstandyq klýb Chehııanyń «Plzen» komandasymen sheberlik baıqasty.

Oıyn barysynda «Qaırat» fýtzalshylary alǵashqy sátten tizgindi qolyna alýǵa tyrysty. Dese de chehııalyq komanda oǵan birden múmkindik bere qoıǵan joq.

Ýaqyt óte kele qazaqstandyq komanda shabýyl shebinde jıi boı kórsetti. Aldymen 17-mınýtta Dýglas Jýnıor «Qaıratty» alǵa shyǵardy. Odan keıin 22-mınýtta Albert Aqbalyqov esepti ústemeleı tústi. Al 23-mınýtta Mıhal Gola esep aıyrmasyn qysqartsa, 26-mınýtta almatylyq klýbtan Dıego Favero mergendigimen kózge tústi.

Budan keıin «Plzen» sapynan Mıhal Seıdler 28, Tomash Vnýk 37-mınýttarda eki gol soǵyp ketti. Osylaısha tarazy basy teńesti.

Kezdesý 3:3 esebimen teń aıaqtaldy.

Aıta keteıik, «Qaırat» tórtinshi topta synǵa túsedi. Qarsylastary - Chehııanyń «Plzen», Reseıdiń «Tıýmen» jáne Italııanyń «Pezaro» komandalary.

Sondaı-aq, búgin «Atyraý» Slovenııanyń «Dobovets» komandasymen kezdesedi. Oıyn elorda ýaqytymen 00.00-de bastalyp, «Qazsport» telearnasynan tikeleı efırde kórsetiledi.


Avtor Ádiljan Úmbet
Basty sózder: Sport, Fýtbol,
Joǵary qaraı