Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan álem chempıonaty: Qazaqstan quramasynyń shırek fınaldaǵy qarsylasy anyqtaldy

2021 jyldyń 24 qyrkúıek 2021 22:45

NUR-SULTAN. QazAqparat - Qazaqstan quramasynyń fýtzaldan álem chempıonaty shırek fınalyndaǵy qarsylasy anyqtaldy, dep habarlaıdy QazAqparat tilshisi.

Shırek fınalda 27 qyrkúıekte qazaqstandyq fýtzal sheberleri Iranmen kezdesedi. Irandyq qurama búgin 1/8 fınalda Ózbekstan quramasyn 9:6 esebimen tize búktirdi.

Eske salsaq, 23 qyrkúıekte Qazaqstan jarystyń atalǵan satysynda Taılandtan 7:0 basym tústi. Sol kúngi taǵy bir kezdesýde Argentına Paragvaıdy 6:1 esebimen jeńdi.

Aıta ketsek, 22 qyrkúıekte Reseı Vetnamdy, Marokko Venesýelany 3:2 esebimen jeńip, shırek fınalǵa shyqqan bolatyn.

Endi búgin, 24 qyrkúıekte 1/8 fınalda Ispanııa men Chehııa, Portýgalııa men Serbııa quramalary sheberlik baıqasady. Eki juptyń jeńimpazdary shırek fınalda bir-birimen kezdesedi.

Qazir shırek fınaldaǵy Marokko men Brazılııa, Reseı men Argentına, Qazaqstan men Iran quramalarynyń kezdesetini anyqtaldy.

Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.

Álem chempıonatynyń fınaly 3 qazanǵa belgilengen.



Avtor Ádiljan Úmbet
Basty sózder: Qoǵam, Sport,
Joǵary qaraı