Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan álem chempıonaty: Qazaqstan quramasy Lıtvadan basym tústi

2021 jyldyń 16 qyrkúıek 2021 00:33

NUR-SULTAN. QazAqparat - Búgin fýtzaldan álem chempıonatynyń fınaldyq satysy toptyq kezeńindegi ekinshi oıynynda Qazaqstan quramasy Lıtvamen kezdesti, dep habarlaıdy QazAqparat tilshisi.

Búgingi kezdesýdiń eki qurama úshin de mańyzy zor bolatyn. Jeńiske jetken jaǵdaıda týrnır kestesindegi jaǵdaıyn jaqsartyp alatyn edi.

Kezdesý qazaqstandyq fýtzalshylar úshin sátti bastaldy. Oıynnyń nebári 24 sekýndynda Taınan esep ashyp ketti. Budan keıin qazaqstandyq qurama birneshe qaýipti shabýyl uıymdastyrdy. Dese de lıtvalyq oıynshylar oǵan laıyqty toıtarys bere bildi.

Ekinshi kezeńde de qazaqstandyq fýtzalshylar basymdyǵyn arttyra tústi. Nátıjesinde 30-mınýtta Dáýren Tursaǵulov mergendik tanytsa, 35-mınýtta Albert Aqbalyqov esepti ústemeledi.

Qazaqstan quramasy osylaısha qarsylasyn 3:0 esebimen jeńdi. Týrnır kestesinde alty upaımen kósh basyna shyqty.

Qazaqstandyq fýtzalshylar A tobynda synǵa túsedi. Qarsylastary - Lıtva, Venesýela, Kosta-Rıka.

Alǵashqy kezdesýinde qazaqstandyq fýtzalshylar Kosta-Rıkadan 6:1 esebimen basym tústi.

Qazaqstandyqtar endi úshinshi týrda 18 qyrkúıekte Venesýelamen sheberlik baıqasady. Atalǵan qurama búgin Kosta-Rıkany 1:0 esebimen tize búktirdi.

Álem chempıonatynyń fınaly 3 qazanǵa belgilengen.

Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.


Avtor Ádiljan Úmbet
Basty sózder: Fýtbol, Sport,
Joǵary qaraı