Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan álem chempıonaty: Qazaqstan quramasy Kosta-Rıkadan basym tústi

2021 jyldyń 12 qyrkúıek 2021 23:00

NUR-SULTAN. QazAqparat - Búgin Lıtvada fýtzaldan álem chempıonatynyń fınaldyq satysy bastalady, dep habarlaıdy QazAqparat tilshisi.

Qazaqstandyqtar alǵashqy oıynyn búgin, 12 qyrkúıekte Kosta-Rıkaǵa qarsy ótkizdi. Bul kezdesýde qazaqstandyq fýtzalshylar senimdi oıyn kórsetti.

Qurama sapynan aldymen Shyńǵys Esenamanov 10, Dáýren Tursaǵulov 11-mınýttarda esep ashqan edi. Odan keıin kosta-rıkalyq qurama bir golmen esep aıyrmasyn qysqartty. Al qazaqstandyqtar qatarynan Dýglas Jýnıor 14, Taınan 17-mınýttarda esep aıyrmasyn arttyrdy.

Ekinshi kezeńde Birjan Orazov pen Taınan 27-mınýtta eki márte qaqpany dál kózdep, jeńiske jaqyndaı tústi.

Osylaısha Qazaqstan qarsylasyn 6:1 esebimen jeńdi.

Álem chempıonatynda Qazaqstan quramasy A tobynda synǵa túsedi. Qarsylastary - Lıtva, Venesýela, Kosta-Rıka.

Endi Qazaqstan quramasy 15 qyrkúıekte Lıtvamen oınasa, 18 qyrkúıekte Venesýelamen sheberlik baıqasady.

Toptyq kezeń oıyndary 12-20 qyrkúıek aralyǵynda bolady. Al 1/8 fınal 22-24 qyrkúıekte ótkizilse, shırek fınal 26-27, jartylaı fınal 29-30 qyrkúıekte oınalady. Fınal men 3-oryn úshin saıys 3 qazanǵa belgilengen.

Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.


Avtor Ádiljan Úmbet
Basty sózder: Sport, Qoǵam,
Joǵary qaraı