Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan álem chempıonaty: 1/8 fınalǵa shyqqan quramalar anyqtaldy

2021 jyldyń 21 qyrkúıek 2021 12:22

NUR-SULTAN. QazAqparat - Fýtzaldan álem chempıonaty 1/8 fınalyna shyqqan quramalar tolyqtaı anyqtaldy, dep habarlaıdy QazAqparat tilshisi.

Dúbirli dodanyń toptyq kezeńinde barlyǵy 24 qurama synǵa tústi. Árbir toptan birinshi jáne ekinshi orynǵa ıe bolǵandary 1/8 fınalǵa tikeleı joldama aldy. Olardyń qataryna úshinshi oryndaǵy úzdik kórsetkishke ıe bolǵan quramalar qosyldy.

Esterińizge sala ketelik, álem chempıonatynda Qazaqstan A tobynda Kosta-Rıkadan 6:1, Lıtvadan 3:0 esebimen basym boldy. Al Venesýelamen 1:1 esebimen teń tústip, birinshi oryn aldy. Endi olar 23 qyrkúıekte 1/8 fınalda Taıland quramasymen sheberlik baıqasady.

1/8 fınaldaǵy ózge juptar tómendegishe:

22 qyrkúıek. Reseı - Vetnam (Vılnıýs)

22 qyrkúıek. Venesýela - Marokko (Kaýnas)

23 qyrkúıek. Argentına - Paragvaı (Vılnıýs)

23 qyrkúıek. Brazılııa - Japonııa (Kaýnas)

24 qyrkúıek Ózbekstan - Iran (Vılnıýs)

24 qyrkúıek. Portýgalııa - Serbııa (Kaýnas)

24 qyrkúıek. Ispanııa - Chehııa (Vılnıýs)

Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti. Álem chempıonatynyń fınaly 3 qazanǵa belgilengen.



Avtor Ádiljan Úmbet
Basty sózder: Sport,
Joǵary qaraı