Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzal: Qazaqstan men Izraıl quramalary eki oıyndy da elordada ótkizedi

2021 jyldyń 28 aqpan 2021 21:58

NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńindegi Izraılmen bolatyn eki oıyny da elimizde ótkiziledi, dep habarlaıdy QazAqparat tilshisi.

Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengrııa, Belarýs jáne Izraıl quramalary.

Qazaqstandyq qurama buǵan deıin eki kezdesý ótkizýi tıis bolatyn. Alǵashqy oıynda óz alańynda Vengrııadan 5:0 esebimen basym tústi. Ekinshi kezdesýdi 28 qańtarda Izraılde ótkizý josparlanǵan. Degenmen atalǵan memlekette 26-31 qańtar aralyǵynda koronavırýstyń taralýyna jol bermeý maqsatynda halyqaralyq reıster jabyldy. Sondyqtan atalǵan oıyndy keıinge shegerý jóninde sheshim qabyldandy.
Qos qurama arasyndaǵy eki kezdesý endi 9 jáne 11 sáýir kúnderi elordamyz - Nur-Sultan qalasyndaǵy «Jekpe-Jek» stadıonynda bolady dep kútilýde.
Qazir týrnır kestesinde Qazaqstan, Vengrııa jáne Belarýs quramalarynyń qorjynynda úsh-úsh upaıdan bar. Eki qarsylasynan qazaqstandyq fýtzalshylardyń bir oıyny kem. Sońǵy oryndaǵy Izraıl ázirge upaıǵa qol jetkizgen joq.
Aıta keteıik, 2 naýryzda Qazaqstan quramasy óz alańynda Belarýs quramasyn qabyldaıdy.



Avtor Ádiljan Úmbet
Basty sózder: Sport,
Joǵary qaraı