Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzal: Qazaqstan quramasy elordada Belarýspen kezdesedi

2021 jyldyń 2 naýryz 2021 14:20

NUR-SULTAN. QazAqparat - Fýtzaldan Qazaqstan quramasynyń 2022 jylǵy Eýropa chempıonaty toptyq irikteý kezeńinde búgin, 2 naýryzda elordada Belarýspen kezdesedi, dep habarlaıdy QazAqparat tilshisi.

Atalǵan oıyn elorda ýaqytymen 19.20-da bastalyp, «Qazsport» telearnasynan tikeleı efırde kórsetiledi.

Esterińizge sala ketelik, qazaqstandyq fýtzalshylar besinshi topqa tústi. Qarsylastary - Vengrııa, Belarýs jáne Izraıl quramalary.

Qazaqstandyq qurama alǵashqy oıynda óz alańynda Vengrııadan 5:0 esebimen basym tústi. Ekinshi kezdesýdi 28 qańtarda Izraılde ótkizý josparlanǵan. Degenmen atalǵan memlekette 26-31 qańtar aralyǵynda koronavırýstyń taralýyna jol bermeý maqsatynda halyqaralyq reıster jabyldy. Sondyqtan atalǵan oıyndy keıinge shegerý jóninde sheshim qabyldandy.

Qos qurama arasyndaǵy eki kezdesý endi 9 jáne 11 sáýir kúnderi elordamyz - Nur-Sultan qalasyndaǵy «Jekpe-Jek» stadıonynda bolady dep kútilýde.

Qazir týrnır kestesinde Qazaqstan, Vengrııa jáne Belarýs quramalarynyń qorjynynda úsh-úsh upaıdan bar. Eki qarsylasynan qazaqstandyq fýtzalshylardyń bir oıyny kem. Sońǵy oryndaǵy Izraıl ázirge upaıǵa qol jetkizgen joq.

Belarýs fýtzalshylary bıylǵy irikteý satysynda aldymen Izraıldi syrt alańda 3:0 esebimen tize búktirdi. Odan keıin syrt alańda Vengrııaǵa 1:2 esebimen jol berdi.

Belarýs quramasy Eýropa chempıonaty fınaldyq satysynda 2010 jyly bir márte baq synady. Óz tobynda sońǵy oryndy mise tutty.

Aıta ketelik, qazaqstandyq fýtzalshylar budan buryn Eýropa chempıonaty fınaldyq kezeńinde eki márte baq synady. 2016, 2018 jyldarda qola júlde aldy.

Eýropa chempıonatynyń fınaldyq satysy 2022 jyldyń 19 qańtar jáne 6 aqpan aralyǵynda Nıderlandynyń Amsterdam jáne Gronıngen qalalarynda ótkiziledi.


Avtor Ádiljan Úmbet
Basty sózder: Sport, Qoǵam,
Joǵary qaraı