Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzal: Izraıl men Qazaqstan quramalary arasyndaǵy kezdesý keıinge shegerildi

2021 jyldyń 26 qańtar 2021 22:51

NUR-SULTAN. QazAqparat - Fýtzaldan 2022 jylǵy Eýropa chempıonatyna irikteý kezeńindegi Izraıl men Qazaqstan quramalary arasyndaǵy oıyn keıinge shegerildi, dep habarlaıdy QazAqparat fýtbol federatsııasyna silteme jasap.

Kezdesý 28 qańtarda Izraıldiń Rıshon-le-Tsıon qalasynda ótýi tıis bolatyn. Atalǵan memlekette 26-31 qańtar aralyǵynda koronavırýstyń taralýyna jol bermeý maqsatynda halyqaralyq reıster jabyldy. Sondyqtan atalǵan oıyndy keıinge shegerý jóninde sheshim qabyldandy.

Eýropalyq fýtbol qaýymdastyqtary odaǵy (UEFA) eki qurama arasyndaǵy oıyn ótetin jańa merzimdi keıin belgileıtin boldy.

Qazaqstan quramasy besinshi topta synǵa túsedi. Qarsylastary - Vengrııa, Belarýs jáne Izraıl quramalary.

Qazaqstandyq fýtzalshylar alǵashqy oıynda óz alańynda Vengrııadan 5:0 esebimen basym tústi.

Alǵashqy týrdan keıin Qazaqstan quramasy birinshi orynǵa shyqty. Ekinshi orynda Belarýs tursa, odan keıingi oryndarda Izraıl jáne Vengrııa quramalary keledi.

Árbir toptyń jeńimpazy men úzdik nátıjege jetken ekinshi oryndaǵy alty qurama fınaldyq kezeńge tikeleı joldama alady. Al ekinshi oryndaǵy tómen nátıje kórsetken eki qurama 2021 jyldyń 14 jáne 17 qarasha kúnderi taǵy bir joldamaǵa talasady.

Fınaldyq týrnır 2022 jyldyń 9 qańtary men 3 aqpany aralyǵynda Nıderlandy elinde ótkiziledi.

Avtor Ádiljan Úmbet
Basty sózder: Sport,
Joǵary qaraı