Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan kýbogy: Jartylaı fınalǵa shyqqan komandalar anyqtaldy

2021 jyldyń 27 qazan 2021 21:11

NUR-SULTAN. QazAqparat - Fýtboldan Qazaqstan kýbogy jartylaı fınalyna joldama alǵan barlyq komanda anyqtaldy, dep habarlaıdy QazAqparat tilshisi.

Shırek fınaldaǵy sońǵy oıynda Qyzylordada «Qaısar» men Almatynyń «Qaıraty» kezdesti. Oıyn barysynda almatylyq klýbtan Vagner Lav 76, Artýr Shýshenachev 88-mınýttarda mergendik tanytty. Osylaısha «Qaırat» qarsylasynan 2:0 esebimen basym túsip, jartylaı fınalǵa joldama aldy. Alǵashqy oıynda almatylyqtar 3:0 esebimen basym túsken bolatyn.

Sondaı-aq, búgin Qaraǵandynyń «Shahteri» óz alańynda «Tarazdy» 3:1 esebimen tize búktirdi. Alǵashqy kezdesýde komandalar 0:0 esebine qanaǵat bildirgen edi.

Eske salsaq, budan buryn shırek fınalda «Astana» (Nur-Sultan) «Kaspıı» (Aqtaý) komandasyn (3:3, 1:0), «Tobyl» (Qostanaı) «Qyzyljar» (Petropavl) klýbyn (1:0, 1:0) esebimen jeńip, jartylaı fınalǵa joldama alǵan edi.

Endi jartylaı fınalda «Astana» men «Qaırat», «Tobyl» men «Shahter» kezdesedi. Komandalar 1/2 fınal oıyndaryn 6 jáne 20 qarasha kúnderi ótkizedi.

Fınal 28 qarashaǵa belgilengen.


Avtor Ádiljan Úmbet
Basty sózder: Sport, Fýtbol,
Joǵary qaraı