Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan kýbogy: «Tobyly» óz alańynda jeńilip qaldy

2021 jyldyń 25 shilde 2021 23:22

NUR-SULTAN. QazAqparat - Búgin fýtboldan Qazaqstan kýbogy toptyq kezeńiniń úshinshi týry aıaqtaldy, dep habarlaıdy QazAqparat tilshisi.

Qaraǵandynyń «Shahteri» óz alańynda elordalyq SDıÝSShOR №8 komandasyn 7:1 esebimen tas-talqan etip jeńdi. Qaraǵandylyq klýb sapynan Oralhan Ómirtaev 16, 42, Aıdos Táttibaev 19, 55, Jan-Álı Paırýz 46, 59-mınýttarda qos goldan soqsa, Evgenıı Shıkavka 62-mınýtta esepti ústemeleı tústi. Oǵan elordalyq komandadan 83-mınýtta Karım Smykov jalǵyz golmen jaýap qaıyrdy.

Aqtaýdyń «Kaspıı» jáne Taldyqorǵannyń «Jetisý» arasyndaǵy kezdesý taǵdyryn jalǵyz gol sheshti. Ony aqtaýlyq klýbtan Ýadjdı Salı 76-mınýtta óziniń enshisine jazdy. Osylaısha «Kaspıı» 1:0 esebimen basym tústi.

Elordalyq «Astana» óz alańynda Oraldyń «Aqjaıyǵyn» 1:0 esebimen jeńdi. Jalǵyz goldy elordalyq Abat Aıymbetov soqty.

Qostanaıdyń «Tobyly» óz alańynda Túrkistannyń «Maqtaral» komandasyna 3:4 esebimen jol berdi. Birinshi lıgada dop tebetin túrkistandyq klýb sapynan Vladımır Sedelnıkov 8, Edige Oralbaı 11, Rashıd Lıýhaı 17-mınýttarda qatarynan úsh gol soǵyp ketti. Odan keıin qostanaılyq komandadan Serikjan Mýjıkov 30, (1:3), Jaslan Jýmashev 69-mınýttarda esep aıyrmasyn qysqartsa, «Maqtaral» sapynan Dıerjon Arıpovtyń avtogolynan keıin tarazy basy teńesti. Kezdesý taǵdyryn sheshken goldy 91-mınýtta Mádı Qaseıin soǵyp ketti. Nátıjesinde «Maqtaral» azýly qarsylasyn 4:3 esebimen tize búktirdi.

Sondaı-aq, 24 shildede «Qyzyljar» men «Ordabasy» 1:1 esebimen teń tústi. Syrt alańda «Turan» «Qaıratty» 1:0, «Qaısar» «Aqtóbeni», «Taraz» «Atyraýdy» 2:1 esebimen jeńip ketti.


Avtor Ádiljan Úmbet
Basty sózder: Sport,
Joǵary qaraı