Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan kýbogy: «Shahter» «Tobyldan» iri eseppen basym tústi

2021 jyldyń 6 qarasha 2021 17:22

NUR-CULTAN. QazAqparat - Búgin fýtboldan Qazaqstan kýbogynyń jartylaı fınaly aıasynda alǵashqy oıyn ótkizildi, dep habarlaıdy QazAqparat tilshisi.


Bul kezdesýde Qaraǵandynyń «Shahteri» men Qostanaıdyń «Tobyly» jasyl alańǵa shyqty.

Oıyn barysynda qaraǵandylyq klýbtyń belsendiligi baıqalyp turdy. Nátıjesinde olardyń qatarynan birinshi kezeńde Idrıs Ýmaev - 8, 45, Davıd Atanaskoskı 13-mınýttarda mergendik tanytsa, oǵan 44-mınýtta qostanaılyq klýbtan Ashat Taǵybergen bir golmen jaýap qaıyrdy.

Ekinshi kezeńde «Shahter» sapynan Davıd Mavýtor 48-mınýtta kózdegen nysanadan múlt ketken joq. Al «Tobyl» fýtbolshysy Igor Sergeev 58-mınýtta esep aıyrmasyn qysqartsa, 87-mınýtta qaraǵandylyq Aıdos Táttibaev qorytyndy esepti belgiledi.

Osylaısha «Shahter» qarsylasyn 5:2 esebimen tize búktirdi.

Bul kezdesýde el fýtbolynda tuńǵysh ret VAR júıesi qoldanyldy.

7 qarashada elordalyq «Astana» men Almatynyń «Qaıraty» jarystyń atalǵan satysynda alǵashqy oıynyn ótkizedi.

Qarymta oıyndar 20 men 21 qarashaǵa belgilengen. Fınal 28 qarashada ótedi.




Avtor Ádiljan Úmbet
Basty sózder: Sport, Qoǵam, Fýtbol,
Joǵary qaraı