Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan kýbogy: «Qaırat» elordada «Astanany» iri eseppen jeńdi

2021 jyldyń 7 qarasha 2021 22:09

NUR-CULTAN. QazAqparat - Búgin fýtboldan Qazaqstan kýbogynyń jartylaı fınaly aıasynda alǵashqy oıyndar aıaqtaldy, dep habarlaıdy QazAqparat tilshisi.

Bul kúni elordalyq «Astana» men Almatynyń «Qaıraty» ózara sheberlik baıqasty.

Atalǵan oıynǵa túrli sebepterge baılanysty elordalyq klýb Marın Tomasov, Tıgran Barsegıan, Islambek Qýat jáne ózge de kóshbasshy oıynshylardy qosa alǵan joq. Soǵan qaramastan birinshi kezeńde «Astana» fýtbolshylary Stas Poaktılov qaqpasyna birneshe ret qaýip tóndirdi.

Degenmen birinshi kezeńniń 45-mınýtynda almatylyq klýbtan Rade Dýgalıch mergendik tanytty. Ekinshi kezeńde olardyń qatarynan Hose Kante 67, Artýr Shýshenachev 72-mınýttarda kózdegen nysanadan múlt ketken joq.

Osylaısha «Qaırat» syrt alańda «Astanany» 3:0 esebimen oısyrata utty.

Eske salsaq, budan buryn Qaraǵandynyń «Shahteri» Qostanaıdyń «Tobylyn» 5:2 esebimen tize búktirdi.

Qarymta oıyndar 20 men 21 qarashaǵa belgilengen. Fınal 28 qarashada ótedi.


Avtor Ádiljan Úmbet
Basty sózder: Nur-Sultan, Sport, Fýtbol,
Joǵary qaraı