Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan chempıonaty: «Qaırat» bıyl qola júldeni mise tutty

2021 jyldyń 17 qazan 2021 20:40

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 24-týry máresine jetti, dep habarlaıdy QazAqparat tilshisi.

Búl kúni úsh kezdesý ótkizildi. Chempıondyqqa talas júrgizip kele jatqan elordalyq «Astana» men qostanaılyq «Tobyly»kezekti jeńisine qol jetkizdi.

«Astana» óz alańynda Qyzylordanyń «Qaısaryn» 2:0 esebimen tize búktirdi. Kezdesýde Tıgran Barsegıan – 74, Marın Tomasov 89-mınýtta mergendik tanytty.

Dál osyndaı eseppen «Tobyl» syrt alańda Petropavldyń «Qyzyljarynan» basym tústi. Oıyn barysynda olardyń qatarynan Igor Sergeev – 33, Jeremı Manzorro 77-mınýtta kózdegen nysanadan múlt ketken joq.

Taǵy bir kezdesýde «Taraz» syrt alańda Taldyqorǵannyń «Jetisýyn» 2:1 esebimen jeńip ketti. Oıynda tarazdyq klýbtan Nenad Adamovıch 67-mınýtta gol soqsa, alań ıeleri sapynan Dıas Qalybaev 86-mınýtta tarazy basyn teńestirdi. Al 92-mınýtta Tımýr Dosmaǵambetov «Tarazǵa» jeńis alyp keldi.

Eske salsaq, 16 qyrkúıekte «Qaırat» syrt alańda «Aqtóbeni», Shymkenttiń «Ordabasy» komandasy óz alańynda «Atyraýdy» 2:1 esebimen jeńdi. Qaraǵandynyń «Shahteri» óz alańynda Aqtaýdyń «Kaspııin» 1:0 esebimen súrindirse, Oralda «Aqjaıyq» pen Túrkistannyń «Turany» 1:1 esebine qanaǵat bildirdi.

Atalǵan týrdan keıin «Qaırat» bıylǵy birinshiliktiń qola júldesin mise tutty. Al «Qaısar» Premer-lıgadaǵy ornyn saqtap qala alǵan joq. Qyzylordalyq klýbtyń qazir 16 upaıy bar. Olardyń aldyndaǵy 12-orynǵa jaıǵasqan «Turan» 25 upaı enshilegen edi. Sondyqtan olardy «Turandy» qýyp jete almaıdy. Budan buryn birinshi lıgaǵa «Jetisý» da túsip qaldy.

Endi 25-týr oıyndary 23 jáne 24 qazan kúnderi ótedi.


Avtor Ádiljan Úmbet
Basty sózder: Sport, Fýtbol, Qoǵam,
Joǵary qaraı