Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan chempıonaty: «Aqjaıyq» pen «Turan» teń tarqasty

2021 jyldyń 16 qazan 2021 17:20

ORAL. QazAqparat - Fýtboldan Qazaqstan chempıonatynyń 24-týrynda Oraldyń «Aqjaıyǵy» óz alańynda Túrkistannyń «Turan» komandasyn qabyldady, dep habarlaıdy QazAqparat tilshisi.

Buǵan deıin oraldyqtar qatarynan bes oıynda jeńiske jetpegen edi. Al túrkistandyqtar tórt týr boıy jeńilmeı kele jatqan-dy.

Birinshi taımda 30-mınýtta «Aqjaıyq» quramyndaǵy reseılik Mıhaıl Gaenkov ádemi gol soǵyp, komandasyn alǵa shyǵardy. Alaıda ekinshi taımda qonaqtardan reseılik Pavel Deobald 73-mınýtta tarazy basyn teńestirip ketti - 1:1.




Oraldyqtar 31 upaımen týrnır kestesinde altynshy orynǵa kóterildi. 25 upaıy bar «Turan» 12-orynda keledi.

«Aqjaıyq» kelesi kezdesýin 24 qazanda Aqtaýda «Kaspıımen» ótkizedi. Al túrkistandyqtar óz alańynda «Aqtóbeni» qabyldaıdy.

Eske sala keteıik, budan buryn «Aqjaıyq» pen «Qaısardyń» teń oınaǵanyn jazǵan bolatynbyz.










Sýretter - Aıbatyr Nurash.
Avtor Eljan Eraly
Basty sózder: Sport,
Joǵary qaraı