Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan birinshiligi: «Tobyl» «Tarazben» teń tústi

2021 jyldyń 19 qyrkúıek 2021 23:19

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 21-týry máresine jetti, dep habarlaıdy QazAqparat tilshisi.

Atalǵan týrdyń ekinshi oıyn kúninde Qostanaıdyń «Tobyly» syrt alańda «Tarazben» 0:0 esebimen teń tústi. Nátıjesinde týrnır kestesinde birinshi orynǵa elordalyq «Astana» jeke-dara shyǵyp ketti.

Úzdik úshtikte kele jatqan Almatynyń «Qaıraty» óz alańynda Petropavldyń «Qyzyljarynan» 1:0 esebimen basym tústi. Osylaısha áli de budan da joǵary orynnan úmitti ekenin baıqatyp qoıdy.

Eske salsaq, 18 qyrkúıekte «Astana» «Aqtóbeni» 2:1 esebimen tize búktirdi.

Al «Jetisý» men «Aqjaıyq» 2:2, «Turan» men «Ordabasy» 1:1 esebimen teń tússe, «Kaspıı» «Atyraýdy» 2:1 esebimen jeńdi.

Endi 22-týr oıyndary 26 jáne 27 qyrkúıek kúnderi ótkiziledi.


Avtor Ádiljan Úmbet
Basty sózder: Sport,
Joǵary qaraı