Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan birinshiligi: «Astana» «Ordabasyǵa» ese jiberdi

2021 jyldyń 22 maýsym 2021 21:26

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on jetinshi týry bastaldy, dep habarlaıdy QazAqparat tilshisi.

Alǵashqy oıynda elordada «Astana» Shymkenttiń «Ordabasy» klýbymen sheberlik baıqasty.

Kezdesý barysynda shymkenttik klýb birinshi kezeńniń ózinde alań ıeleri qaqpasyna eki gol soǵyp úlgerdi. Aldymen 21-mınýtta Baǵdat Qaıyrov «Astana» qaqpashysyn qapy qaldyrsa, odan keıin 24-mınýtta Joao Paolo esepti ústemeleı tústi.

Ekinshi kezeńde tizgindi elordalyq komanda óz qolyna alýǵa tyrysty. Dese de olarǵa sáttilik jetispeı jatty. Kezdesýde «Astana» qarsylasyna 0:2 esebimen ese jiberdi.

Eske salsaq, búgin atalǵan týrda taǵy eki oıyn ótkiziledi. Dál qazir Oralda «Aqjaıyq» pen Qaraǵandynyń «Shahter» arasyndaǵy kezdesýdiń ekinshi, «Aqtóbe» men «Qyzyljar» oıynynyń birinshi kezeńi ótýde. Ázirge esep 0:0.

Al 23 maýsymda 18.00-de «Jetisý» (Taldyqorǵan) men «Atyraý», 19.00-de «Qaırat» (Almaty) men «Kaspıı» (Aqtaý), 20.00-de «Taraz» ben «Turan» (Túrkistan) oıyndary bolady. Bul týrdy 21.00-de «Qaısar» (Qyzylorda) men «Tobyl» (Qostanaı) kezdesýi túıindeıdi.

Avtor Ádiljan Úmbet
Basty sózder: Sport,
Joǵary qaraı