Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan birinshiligi: 25-týr márege jetti

2021 jyldyń 24 qazan 2021 22:33

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 25-týry máresine jetti, dep habarlaıdy QazAqparat tilshisi.

Atalǵan týrdaǵy sońǵy eki oıynnyń birinde Aqtaýda «Kaspıı» men Oraldyń «Aqjaıyǵy» kezdesti. Birinshi kezeńde alań ıeleri qataryna Alekseı Zeleskıı 15, 30-mınýttarda qos gol soqty. Oǵan «Aqjaıyq» sapynan Alekseı Chıchıkov 46, Mıhaıl Gaenkov 67-mınýtta mergendik tanytty. Osylaısha kezdesý 2:2 esebimen teń aıaqtaldy.

Taǵy bir oıynda Qyzylordada «Qaısar» men Taldyqorǵannyń «Jetisýy» sheberlik baıqasty. Kezdesý taǵdyryn taldyqorǵandyq klýbtan Artem Dmıtrıev 38-mınýtta soqqan jalǵyz gol sheshti. «Qaısar» qarsylasyna 0:1 esebimen ese jiberdi.

Budan buryn atalǵan týrdaǵy bes kezdesý nátıjesi belgili boldy.

Kósh basynda kele jatqan «Tobyl» óz alańynda «Shahterden» 4:1 esebimen basym tússe, «Astana» syrt alańda «Qaıratqa» 0:1 esebimen jol berdi. https://lenta.inform.kz/qz/kazakstanda-futboldan-el-chempionaty-otip-zhatyr_a3852918

Al ózge oıyndarda óz alańynda «Turan» «Aqtóbeden», «Taraz» «Ordabasydan» 1:2 esebimen jeńilse, «Atyraý» men «Qyzyljar» 0:0 esebine qanaǵat bildirdi.

Endi 26-týr oıyndary 30 qazanda ótkiziledi. Osylaısha bıylǵy el birinshiligi máresine jetedi.


Avtor Ádiljan Úmbet
Basty sózder: Sport,
Joǵary qaraı