Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Slovakııa Polshany qapy qaldyrdy

2021 jyldyń 15 maýsym 2021 00:06

NUR-SULTAN. QazAqparat - 14 maýsymda fýtboldan Eýropa chempıonatynyń fınaldyq satysyndaǵy toptyq kezeńde Polsha men Slovakııa quramalary kezdesti, dep habarlaıdy QazAqparat tilshisi.

Atalǵan eki komanda E tobynda synǵa túsedi. Qarsylastary – Ispanııa jáne Shvetsııa quramalary.

Eki qurama buǵan deıin segiz márte kezdesti. Onyń tórteýi slovakııalyq fýtbolshylar basymdyǵymen aıaqtalyp, úsheýinde polıaktar jeńse, bireýinde teń nátıje tirkeldi. Dese de komandalar jeti jyldan astam ýaqyttan beri alańda jolyqqan joq.

Bul jolǵy kezdesýde slovakııalyq fýtbolshylardyń jeńiske umtylysy baıqalyp turdy. Nátıjesinde 18-mınýtta Polsha qaqpashysy Voıtseh ensnydyń óz qaqpasyna gol soǵyp alýyna májbúr etti.

Ekinshi kezeń bastalǵannan keıin polıak fýtbolshylary tarazy basyn teńestirdi. Ony 46-mınýtta Karol Lınetty óziniń enshisine jazdy.

Oıynnyń 62-mınýtynda polıak fýtbolshysy Gjegoj Kryhovıak qyzyl qaǵaz alyp, alańnan qýyldy. Budan keıin 69-mınýtta slovakııalyq Mılan Shkrınıar óziniń quramasyn qaıtadan alǵa shyǵardy.

Osylaısha oıynda Slovakııa qarsylasynan 2:1 esebimen basym tústi.

Aıta keteıik, atalǵan toptaǵy taǵy bir kezdesý búgin Ispanııa jáne Shvetsııa quramalary arasynda bolady. Oıyn elorda ýaqytymen 00.50-de bastalyp, «Qazaqstan» telearnasynan tikeleı efırde kórsetiledi.

Eske salsaq, 14 maýsymda D tobynda Chehııa Shotlandııadan 2:0 esebimen basym túsken bolatyn.


Avtor Ádiljan Úmbet
Basty sózder: Sport, Qoǵam,
Joǵary qaraı