Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan eýropa chempıonaty: Shveıtsarııa Túrkııadan basym tústi

2021 jyldyń 20 maýsym 2021 23:58

NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi úshinshi týrynda Shveıtsarııa men Túrkııa kezdesti, dep habarlaıdy QazAqparat tilshisi.

Eske salsaq, atalǵan eki qurama A tobynda synǵa túsedi. Qarsylastary – Italııa men Ýels.

Alǵashqy týrda Shveıtsarııa quramasy Ýelspen 1:1 esebimen teń tússe, ekinshi týrda Italııaǵa 0:3 esebimen ese jiberdi.

Al Túrkııa Italııadan 0:3, Ýelsten 0:2 esebimen jeńilip qaldy.

Shveıtsarııa men Túrkııa buǵan deıin 17 márte kezdesti. Onyń 5-eýinde shveıtsarııalyqtar jeńiske jetip, 9-ynda túrkııalyqtar basym tússe, qalǵanynda teń nátıje tirkeldi

Búgingi oıynda shveıtsarııalyqtar birden alǵa umtyldy. Olardyń belsendiligi kózge kórinip turdy. Oıynnyń 6-mınýtynda Harıs Seferovıch esep ashsa, 26-mınýtta Sherdan Shakırı Shveıtsarııanyń basymdyǵyn arttyrdy.

Túrkııalyq Irfan Kahvedjı 62-mınýtta mergendigimen kózge túsip, esep aıyrmasyn qysqartty. Sherdan Shakırı 68-mınýtta taǵy bir márte kózge tústi.

Kezdesýde Shveıtsarııa qarsylasyn 3:1 esebimen basym tústi. Osylaısha jarystyń kelesi satysyna joldama aldy.

Endi 1/8 fınal oıyndary 26-29 maýsym kúnderi ótkiziledi.

Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda ótýde. Bul Eýropa chempıonatynyń 60 jyldyq mereıtoıyna oraı uıymdastyrylǵan.

Fýtboldan Eýropa chempıonaty 11 maýsymda bastaldy, 11 shildede máresine jetedi.



Avtor Ádiljan Úmbet
Basty sózder: Álem, Sport,
Joǵary qaraı