Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Italııa Túrkııany iri eseppen jeńdi

2021 jyldyń 12 maýsym 2021 03:00

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńi jalaýyn kóterdi, dep habarlaıdy QazAqparat tilshisi.

Atalǵan týrnırdiń shymyldyǵy Túrkııa jáne Italııa quramalarynyń kezdesýimen ashyldy. Oıyn Italııa astanasy Rım qalasyndaǵy Olımpıada stadıonynda ótti.

Aıta keteıik, eki qurama buǵan deıin 14 márte kezdesken.

Onyń 10-ynda ıtalııalyq fýtbolshylar basym tússe, 4-eýinde qos qurama teń nátıjeni qanaǵat tutqan.

Túrkııalyq fýtbolshylar atalǵan qarsylasynan eshqashan basym túsip kórgen emes.

Búgingi oıynda da ıtalııalyq fýtbolshylar basymdyǵyn tanytty. Kezdesýdiń alǵashqy mınýtynan tizgindi óz qolyna alýǵa tyrysty. Nátıjesinde alǵashqy bolyp esep ashty.

Ony 53-mınýtta túrkııalyq Merıh Demıral óziniń qaqpasyna soǵyp aldy.

Al 66-mınýtta Chıro Immobıle esepti ústemeleı tústi. Al 79-mınýtta ıtalııalyq taǵy bir fýtbolshy Lorentso Insıne mergendik tanytty.

Kezdesýde Italııa qarsylasynan 3:0 esebimen basym tústi.

Aıta keteıik, eki qurama A tobynda synǵa túsedi. Qarsylastary - Ýels, Shveıtsarııa jáne Italııa.

Eýropa birinshiligi oıyndary búgin, 12 maýsymda jalǵasady.

Bul kúni A tobynda Ýels pen Shveıiarııa (saǵat 18:50), V tobyndaǵy Danııa men Fınlıandııa (saǵat 21:50), Belgııa men Reseı (saǵat 00:50) quramalary kezdesedi.


Avtor Ádiljan Úmbet
Basty sózder: Sport, Eýropa,
Joǵary qaraı