Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Chehııa Shotlandııadan basym tústi

2021 jyldyń 14 maýsym 2021 20:56

NUR-SULTAN. QazAqparat - Búgin fýtboldan Eýropa chempıonatynyń fınaldyq satysyndaǵy toptyq kezeńde Shotlandııa men Chehııa quramalary kezdesti, dep habarlaıdy QazAqparat tilshisi.

Atalǵan eki komanda D tobynda synǵa túsedi. Qarsylastary -Anglııa jáne Horvatııa quramalary.

Bul topta keshe, 13 maýsymda Anglııa Horvatııany 1:0 esebimen jeńgen bolatyn.

Eki qurama buǵan deıin toǵyz márte sheberlik baıqasqan.

Onyń tórteýinde shotlandtyqtar, tórteýinde chehııalyqtar jeńiske jetse, bireýinde teń nátıje tirkeldi.

Aıta keterligi, sońǵy tórt kezdesýde chehııalyqtar atalǵan qarsylasyn jeńe almaı júrgen edi. Sol ketken eseni búgin qaıtarýǵa tyrysty.

Kezdesý barysynda chehııalyq fýtbolshy Patrık Shık 42, 52-mınýttarda mergendik tanytyp, óz quramasyn alǵa shyǵardy. Ol alǵashqy golyn alańnyń orta tusynan soqty.

Bul soqqyǵa shotlandııalyq qaqpashy Devıd Marshall qarsy tura alǵan joq.

Sondaı-aq, búgin taǵy eki kezdesý E tobynda ótkiziledi. Aldymen Polsha men Slovakııa jasyl alańǵa shyqsa, odan keıin Ispanııa men Shvetsııa sheberlik baıqasady.

Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady.

Fýtboldan Eýropa chempıonaty 11 maýsymda bastaldy, ol 11 shildede máresine jetedi.


Avtor Ádiljan Úmbet
Basty sózder: Sport, Eýropa,
Joǵary qaraı