Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Avstrııa Soltústik Makedonııany úshinshi márte jeńdi

2021 jyldyń 14 maýsym 2021 00:08

NUR-SULTAN. QazAqparat- Búgin fýtboldan Eýropa chempıonatynyń fınaldyq satysynda Avstrııa men Soltústik Makedonııa quramalary kezdesti, dep habarlaıdy QazAqparat tilshisi.

Atalǵan eki komanda S tobynda synǵa túsedi. Qarsylastary - Nıderlandy jáne Ýkraına quramalary.

Eki qurama buǵan deıin eki márte sheberlik baıqasqan. Ekeýinde de avstrııalyq fýtbolshylar basym boldy.

Soltústik Makedonııa Eýropa chempıonatynyń fınaldyq satysyna tuńǵysh ret joldama alyp otyr. Alǵashqy oıynynda jeńiske jete alǵan joq.

Búgingi oıyn qos quramanyń alma-kezek shabýylymen órbidi. Kezdesýde ekeýi de jeńiske jetýge jaqyn turdy. Dese de avstrııalyq qurama óziniń tájirıbesi mol ekenin kórsetti.

Aldymen Avstrııa sapynan Shtefan Laıner 18-mınýtta esep ashqan edi. Odan keıin olardyń qarsylastarynan Goran Pandev 28-mınýtta tarazy basyn teńestirdi. Al avstrııalyq Mıhael Gregorıch 78, Marko Arnaýtovıch 89-mınýttarda qos gol soǵyp, qorytyndy esepti belgiledi.

Aıta keteıik, atalǵan toptaǵy Nıderlandy jáne Ýkraına kezdesýi elorda ýaqytymen 00.50-de bastalady.

S tobyndaǵy kelesi týr oıyndary 17 maýsym kúni oınalady. Bul kúni Nıderlandy men Avstrııa, Ýkraına men Soltústik Makedonııa kezdesedi.


Avtor Ádiljan Úmbet
Basty sózder: Sport, Qoǵam,
Joǵary qaraı