Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Fýtboldan el chempıonatynda «Taraz» qaıta birinshi orynǵa kóterildi

2022 jyldyń 15 mamyr 2022 22:05

NUR-SULTAN. QazAqparat – Fýtboldan Qazaqstan chempıonaty 11-týrynyń sońǵy oıynynda «Taraz» óz alańynda Oraldyń «Aqjaıyǵyn» qabyldady, dep habarlaıdy QazAqparat tilshisi.

Tarazdyqtar kósh bastaýshy komandalardyń biri bolsa, buǵan deıingi úsh matchta 1 ǵana upaı alǵan oraldyqtar 11-satyda edi.

«Aqjaıyqty» jattyqtyratyn ýkraınalyq maman Vladımır Mazıar quramǵa azdaǵan ózgeris engizip, otandasy, shabýylshy Igor Karpenko men armenııalyq jartylaı qorǵaýshy Zaven Badoıandy birden shyǵardy.





Birinshi taımda 6-mınýtta aıyp soqqysynan keıin keri serpilgen dopty bolgarııalyq Mılen Gamakov qonaqtar toryna dál túsirdi – 1:0. Tez gol soǵyp alǵannan keıin Nurken Mazbaevtyń shákirtteri qorǵanysty kóbirek oılady.

Oıynnyń ekinshi kezeńinde «Aqjaıyq» sapynda alańǵa shabýylshy Oralhan Ómirtaev shyqqanymen, ol kóp uzamaı-aq jaraqat alyp qaldy. 94-mınýtta qonaqtardyń jappaı alǵa ketkenin paıdalanǵan Álisher Súleı qaqpashy Stepan Sıkachtan dopty asyra saldy – 2:0.





Osylaısha, 21 upaı jınaǵan «Taraz» el birinshiliginde qaıtadan kósh bastady.

Bul týrda búgin kósh sońynda turǵan «Maqtaaral» óz alańynda ekinshi orynda kele jatqan «Kaspııdi» qabyldap, kútpegen jerden 2:1 esebimen jeńip ketti.

Kelesi týrda 22 mamyr kúni «Taraz» Aqtaýda «Kaspıımen», «Aqjaıyq» Petropavlda «Qyzyljarmen» sheberlik baıqasady.

Eske sala keteıik, budan buryn fýtboldan Qazaqstan chempıonatynda «Kaspııdiń» qaıtadan kósh bastaǵanyn jazǵan bolatynbyz.











Foto: Aıbatyr Nurash


Avtor Eljan Eraly
Basty sózder: Qoǵam, Sport, Fýtbol,
Joǵary qaraı