Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Chempıondar lıgasy: «Bavarııa» jartylaı fınalǵa shyǵa almady

2021 jyldyń 14 sáýir 2021 03:56

NUR-SULTAN. QazAqparat - UEFA Chempıondar lıgasy jartylaı fınalyna joldama alǵan eki komanda anyqtaldy, dep habarlaıdy QazAqparat tilshisi.

Alǵashqy kezdesýde «Chelsı» (Anglııa) men «Portý» (Portýgalııa) komandalary kezdesti. Shırek fınaldyń alǵashqy oıynynda aǵylshyndar syrt alańda 2:0 esebimen jeńiske jetti. Búgin komandalar bir-birine laıyqty qarsylyq kórsetti. Dese de bir gol 94-mınýtta Mehdı Taremı soqqan edi. Osylaısha portýgaldar 1:0 esebimen basym túsken bolatyn.

Eki oıynnyń qorytyndysymen «Chelsı» jartylaı fınalǵa joldama aldy. Endi olr jartylaı fınalda Lıverpýl» men «Real Madrıd» jubynyń jeńimpazymen jup quraıdy.

Taǵy bir kezdesý «Bavarııa» (Germanııa) men «Parı Sen-Jermen» klýbtary arasynda ótkizildi. Nemis fýtbolshylary bir apta buryn ótkende kezdesýde óz alańynda qarsylasyna 2:3 esebimen jeńilip qalǵan edi. Sondyqtan olar úshin búgin eki dop aıyrmasymen jeńý kerek bolatyn. Oıynnyń 40-mınýtynda Erık Shýpo-Motıng esep ashqan edi. Budan keıin taǵy da gol soǵatyn múmkindikti izdedi. Kezdesýde nemis komandasy qarsylasyn 1:0 esebimen jeńdi.

Qos oıynnyń qorytyndysymen «Parı Sen-Jermen» jartylaı fınalǵa shyqty. Endi olar jartylaı fınalda «Borýssııa Dortmýnd» pen «Manchester Sıtı» jubynyń jeńimpazymen sheberlik baıqasady.

Búgin, 14 sáýirde shırek fınalda taǵy eki oıyn bolady. Bul joly «Borýssııa Dortmýnd» (Germanııa) pen «Manchester Sıtı» (Anglııa), «Lıverpýl» (Anglııa) men «Real Madrıd» (Ispanııa) komandalary sheberlik baıqasady.

Fınal 29 mamyrda Túrkııanyń Ystanbul qalasyndaǵy «Atatúrik» olımpıadalyq stadıonynda ótedi.


Avtor Ádiljan Úmbet
Basty sózder: Sport, EXPO-2017,
Joǵary qaraı