Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan álem chempıonaty: Qazaqstan quramasy Fınlıandııamen kezdesedi

2021 jyldyń 12 qazan 2021 12:35

NUR-SULTAN. QazAqparat - Búgin, 12 qazanda fýtboldan 2022 jylǵy álem chempıonatyna irikteý satysynda Qazaqstan quramasy kezekti oıynyn elordada Fınlıandııaǵa qarsy ótkizedi, dep habarlaıdy QazAqparat tilshisi.

Oıyn elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.

Aıta ketsek, buǵan deıin eki qurama bir márte sheberlik baıqasty. Bıyl álem chempıonaty irikteý satysyndaǵy alǵashqy oıynda qazaqstandyq fýtbolshylar atalǵan qarsylasyna 0:1 esebimen ese jiberdi.

Fınlıandııa buǵan deıin álem chempıonaty fınaldyq satysynda baq synap kórgen emes. Al 2020 jylǵy Eýropa chempıonatynda V tobynda Belgııa, Danııa jáne Reseımen sheberlik baıqasyp, úshinshi oryn aldy.

Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Frantsııa, Ýkraına, Bosnııa jáne Gertsogovına, Fınlıandııa.

Eske salsaq, budan buryn Qazaqstan elordada Bosnııa jáne Gertsogovınaǵa 0:2 esebimen ese jiberdi.

Qazaqstan quramasy buǵan deıin alty oıyn ótkizdi. Úsheýinde teń nátıje tirkelip, úsheýinde qarsylastaryna ese jiberdi.

Budan keıin qazaqstandyq fýtbolshylar 13 qarasha syrt alańda Frantsııamen kezdesedi.

Bul topta alty oıynnan keıin 12 upaı jınaǵan Frantsııa kósh basynda keledi. Qazaqstan tórt oıynnan keıin 3 upaımen besinshi orynda tur.


Avtor Ádiljan Úmbet
Basty sózder: Sport,
Joǵary qaraı