Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan ÁCh- 2022: Eýropadaǵy irikteý kezeńiniń jerebesi 7 jeltoqsanda tartylady

2020 jyldyń 28 qarasha 2020 02:20

NUR-SULTAN. QazAqparat - Fýtboldan 2022 jylǵy álem chempıonaty Eýropadaǵy irikteý kezeńiniń jerebesi 7 jeltoqsanda Shveıtsarııanyń Non qalasynda tartylady, dep habarlaıdy QazAqparat tilshisi.

Halyqaralyq fýtbol federatsııasy (FIFA) saıtynda álem chempıonaty irikteý kezeńi jerebesi aldynda quramalardyń qaı sebette bolatyny jarııalandy. Qazaqstan quramasy besinshi sebetke engizilgen. Federatsııanyń sońǵy reıtınginde qazaqstandyq qurama 122-orynǵa jaıǵasqan. Sebetterge ornalasý tártibi sol reıtıng negizinde jasalǵan.

Aıta keteıik, jerebe nátıjesinde eýropalyq quramalar on topqa bólinedi. 2021 jylǵy Ulttar lıgasynyń fınaldyq satysynda baq synaǵan quramalar oıyn kórsetetin toptarda bes, qalǵanynda alty quramadan baq synaıdy. On jeńimpaz álem chempıonatyna fınaldyq kezeńine tikeleı joldama alsa, ekinshi oryn alǵandar jáne Ulttar lıgasynda úzdik shyqqan eki qurama pleı-off satysynda oınaıdy. Pleı-off satysynda úsh toptan jeńimpaz bolǵany dúbirli dodaǵa joldama alady.

Quramalar jerebe aldynda tómendegishe sebetterge bólingen:

Birinshi: Belgııa, Frantsııa, Anglııa, Portýgalııa, Ispanııa, Italııa, Horvatııa, Danııa, Germanııa, Nıderlandy;

Ekinshi: Shveıtsarııa, Ýels, Polsha, Shvetsııa, Avstrııa, Ýkraına, Serbııa, Túrkııa, Slovakııa, Rýmynııa;

Úshinshi: Reseı, Vengrııa, Irlandııa, Chehııa, Norvegııa, Soltústik Irlandııa, Islandııa, Shotlandııa, Grekııa, Fınlıandııa;

Tórtinshi: Bosnııa jáne Gertsegovına, Slovenııa, Chernogorııa, Soltústik Makedonııa, Albanııa, Bolgarııa, Izraıl, Belarýs, Grýzııa, Lıýksembýrg;

Besinshi: Armenııa, Kıpr, Farer araldary, Ázerbaıjan, Estonııa, Kosovo, Qazaqstan, Lıtva, Latvııa, Andorra;

Altynshy: Malta, Moldavııa, Lıhtenshteın, Gıbraltar, San-Marıno.

Eýropa qurlyǵyndaǵy irikteý kezeńi 2021jyldyń naýryzy men 2022 jyldyń naýryzy aralyǵynda bolady. Jarystyń fınaldyq satysy 2022 jyldyń 21 qarashasy men 18 jeltoqsan aralyǵynda ótkiziledi.

Álem chempıonaty irikteý kezeńi Ońtústik Amerıka, Afrıka, Azııa qurlyqtarynda ótip jatyr. Aldaǵy jyly ol Soltústik Amerıka qurlyǵy jáne muhıt aımaǵynda bastalady.


Avtor Ádiljan Úmbet
Basty sózder: Sport, Qoǵam,
Joǵary qaraı