Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: qazaqstandyq oıynshy úzdik gol avtory atandy

2020 jyldyń 23 qarasha 2020 21:38

NUR-SULTAN. QazAqparat – Qazaqstan ulttyq quramasynyń oıynshysy Baktıer Zaınýtdınov máskeýlik TsSKA klýbynyń qazan aıyndaǵy úzdik gol avtory atandy, dep habarlaıdy QazAqparat tilshisi.

Atalmysh klýbtyń Twitter-degi paraqshasynda málim etilgenindeı, B.Zaınýtdınovty jankúıerler Reseı premer-lıgasynda «Ýral» (Ekaterınbýrg) komandasymen ótken matchta soqqan goly úshin úzdik dep tanydy.

Qazirgi tańda TsSKA komandasy Reseı chempıonatynda 32 upaımen kósh bastap keledi. Jeksenbi kúni 15-týrda Máskeýde TsSKA «Sochı» komandasymen 1:1 esebimen teń oınady. Buǵan deıin jaraqat alyp qalǵan B.Zaınýtdınov osy kezdesýdi tolyq ótkizip shyqty. Bul onyń máskeýlik klýb quramyndaǵy 11-inshi matchy edi.

Qazaqstan ulttyq quramasynda Baktıer jartylaı qorǵaýshy bolsa, TsSKA bapkerleri ony qorǵanys shebinde paıdalanyp keledi.

Eske sala keteıik, budan buryn B.Zaınýtdınovtiń TsSKA klýbynyń qyrkúıek aıynyń qorytyndysy boıynsha úzdik oıynshysy atanǵanyn, sosyn atalmysh komandanyń Reseı chempıonatynda kósh bastaǵanyn jazǵan bolatynbyz.


Avtor Eljan Eraly
Basty sózder: Sport, Reseı,
Joǵary qaraı