Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Fýtbol: Qazaqstan quramasy Chernogorııamen joldastyq kezdesý ótkizedi

2020 jyldyń 4 shilde 2020 18:24

NUR-SULTAN. QazAqparat - Fýtboldan Qazaqstan quramasy qarasha aıynda Chernogorııamen joldastyq kezdesý ótkizedi, dep habarlaıdy QazAqparat tilshisi.

Bul jóninde Chernogorııa fýtbol odaǵy málim etti. Kezdesý 11 qarashada sol eldiń astanasy - Podgorıtse qalasynda ótkiziledi.

Esterińizge sala ketelik, Qazaqstan quramasy qyrkúıek-qarasha aılarynda Ulttar lıgasy oıyndaryna qatysady. S lıgasy tórtinshi tobynda Albanııa, Belarýs jáne Lıtvamen sheberlik baıqasady. Al Chernogorııa atalǵan lıganyń birinshi tobynda Kıpr, Lıýksembýrg jáne Ázerbaıjanmen oınaıdy.

Qazaqstan atalǵan qarsylasymen budan buryn úsh márte kezdesti. 2008 jyldyń 27 mamyrynda Podgorıtsede ótken joldastyq kezdesýde qazaqstandyq qurama qarsylasynan 0:3 esebimen jeńilip qaldy. Odan keıin eki quramanyń joly 2018 jylǵy álem chempıonatyna irikteý kezeńinde E tobynda túıisti. Aldymen 2016 jyldyń 8 qazanynda Podgorıtsede 0:5 esebimen ese jibergen qazaqstandyq qurama 2017 jyldyń 1 qyrkúıeginde elordada olarǵa 0:3 esebimen ese jiberdi.

Budan buryn Ulttar lıgasy 2020/21 jylǵy kezeńiniń oıyn kúntizbesi jarııalanǵan bolatyn.


Avtor Ádiljan Úmbet
Basty sózder: Sport,
Joǵary qaraı