Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: «Qaırat» - Qazaqstan kýbogynyń ıegeri

2021 jyldyń 28 qarasha 2021 23:39

NUR-SULTAN. QazAqparat - Búgin fýtboldan Qazaqstan kýbogynyń bıylǵy ıegeri anyqtaldy, dep habarlaıdy QazAqparat tilshisi.

Fınalda Almatynyń «Qaırat» jáne Qaraǵandynyń «Shahter» komandalary kezdesti.

Kezdesý barysynda qos klýb tartysty oıyn órnegin kórsetti. Alǵashqy kezeńde almatylyq ujymnyń basymdyǵy baıqalyp turdy. Oıynnyń 6-mınýtynda Vagner Lav «Qaıratty» alǵa shyǵarsa, ol 40-mınýtta esepti ústemeleı tústi.

Ekinshi kezeńde qaraǵandylyq klýb oıynshylary alǵa qaraı umtyldy. Olardyń qatarynan Mıhaıl Gabyshev 48-mınýtta mergendik tanytsa, 74-mınýtta Martın Toshev tarazy basyn teńestirdi.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda qaraǵandylyq klýbtan 97-mınýtta Aıdos Táttibaev penaltıden múlt ketken joq. Al 110-mınýtta almatylyq Artýr Shýshenachev esepti teńestirdi. Osylaısha jeńimpaz penaltı serııasy arqyly anyqtalatyn boldy. Bul joly «Qaıratqa» sáttilik serik boldy.

Aıta keteıik, jartylaı fınalda «Qaırat» «Astanany» súrindirse, «Shahter» «Tobyldyń» osal tusyn tapty.

Qazaqstan kýbogy 1992 jyldan beri turaqty túrde ótkizilip keledi. Búginge deıin atalǵan kýbokty «Qaırat» 9 márte tóbesine kóterse, «Shahter» 1 márte jeńimpaz atandy.


Foto: sports.kz


Joǵary qaraı