Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: «Qaırat» «Astanadan» 14 upaıǵa uzap ketti

2020 jyldyń 26 qazan 2020 22:01

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 15-týrynda úsh oıyn ótti, dep habarlaıdy QazAqparat tilshisi.

Basty kezdesýdiń biri Qostanaıdyń «Tobyl» jáne Almatynyń komandalary arasynda ótti. Ekeýi týrnır kestesinde kósh basynda keledi. Sondyqtan búgingi kezdesý tartysty ótetini belgili edi.

Oıyn barysynda «Qaırattyń» basymdyǵy aıqyn ańǵarylyp turdy. Olardyń qatarynan Abat Aıymbetov 8, Ǵafýrjan Súıimbaev 28, Neboısha Kosovıch 44-mınýtta mergendik kórsetti. Qorytyndy esepti 67-mınýtta almatylyq shabýylshy Vagner Lav belgiledi. Osylaısha «Qaırat» qarsylasynan 4:0 esebimen basym tústi.

Búgin Taldyqorǵannyń «Jetisýy» Qyzylordanyń «Qaısaryn» 3:1, Shymkenttiń «Ordabasy» klýby Aqtaýdyń «Qaspııin» 2:1 esebimen tize búktirdi.

Qazir týrnır kestesinde 15 oıynnan keıin 38 upaımen «Qaırat» keledi. Ol bas júldege negizgi úmitker - elordalyq «Astanadan» 14 upaıǵa uzap ketti. Dál qazir «Astana» Kókshetaýdyń «Oqjetpes» klýbyn 2:0 esebimen jeńip jatyr. Elordalyq klýb sapynan Tıgran Barsegıan 11, Marın Tomasov 29-mınýttarda kózge tústi.

Atalǵan týrda sońǵy oıyn 27 qazanda Petropavldyń «Qyzyljar» jáne Qaraǵandynyń «Shahter» komandalary arasynda ótedi.


Foto: fckairat.com
Avtor Ádiljan Úmbet
Basty sózder: Sport,
Joǵary qaraı