Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: Búgin Eýropa birinshiligi bastalady

2021 jyldyń 11 maýsym 2021 14:34

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńi bastalady, dep habarlaıdy QazAqparat tilshisi.

Dúbirli doda shymyldyǵy Túrkııa men Italııa quramalarynyń kezdesýimen túriledi. Oıyn Italııa astanasy Rım qalasyndaǵy Olımpıadalyq stadıonda ótkiziledi. Bul matchta nıderlandylyq Dannı Makkelı bas qazy bolsa, oǵan otandastary Hessel Stegstra men ıAn de Vrıs kómekshilik jasaıdy. Qosalqy tóreshi - frantsııalyq Stefanı Frappar.

Oıyn elorda ýaqytymen 00:50-de «Qazaqstan» jáne «Qazsport» telearnalarynan tikeleı efırde kórsetiledi.

Buǵan deıin eki qurama 14 márte kezdesken. Onyń 10-ynda ıtalııalyq fýtbolshylar basym tússe, 4-eýinde qos qurama teń nátıjeni qanaǵat tutty. Áli kúnge deıin túrkııalyq fýtbolshylar atalǵan qarsylasynan basym túsip kórgen emes.

Eske salaıyq, qurlyqtyq doda on altynshy márte ótkizilip otyr. Kári qurlyqta 1960 jyly alǵashqy Eýropa birinshiligi uıymdastyryldy. Atalǵan dop dodasy 2021 jyly 12 maýsym men 12 shilde aralyǵynda ótkizilýi josparlanǵan. Byltyr álemdi jaılaǵan koronavırýs ınfektsıasyna baılanysty ol bir jylǵa keıin shegerildi. Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda bolady. Bul dúbirli dodanyń 60 jyldyq mereıtoıyna oraı uıymdastyrylǵan.

Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady.

Quramalar tómendegi toptarǵa bólingen:

A toby: Ýels, Shveıtsarııa, Túrkııa, Italııa;

V toby: Fınlıandııa, Belgııa, Reseı, Danııa;

S toby: Ýkraına, Avstrııa, Soltústik Makedonııa, Nıderlandy;

D toby: Horvatııa, Shotlandııa, Chehııa, Anglııa;

E toby: Shvetsııa, Polsha, Slovakııa, Ispanııa;

F toby: Germanııa, Vengrııa; Portýgalııa, Frantsııa;

Eske salsaq, budan buryn fýtboldan Eýropa birinshiliginiń oıyn kestesi jarııalandy.



Avtor Ádiljan Úmbet
Basty sózder: Sport,
Joǵary qaraı