Aýa raıy
Astana -10 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: «Astana» «Qaısardan» basym tústi

2020 jyldyń 24 qarasha 2020 15:03

NUR-SULTAN. QazAqparat - Búgin fýtboldan Premer-lıga komandalary arasynda Qazaqstan chempıonatynyń 20-týrynda elordalyq «Astana» qyzylordalyq «Qaısardan» basym tústi, dep habarlaıdy QazAqparat tilshisi.

Esterińizge sala ketelik, budan buryn «Astana» qatarynan tórt oıynda jeńiske jete almaı kele jatqan bolatyn. Sol sátsizdikter serııasyn búgin toqtatty .

Oıynnyń 25-mınýtynda elordalyq Marın Tomasov esep ashsa, oǵan 31-mınýtta qyzylordalyq Maksım Fedın bir golmen jaýap qaıyrdy.

Ekinshi kezeńde Pıeros Sotırıý eki márte mergendigimen kózge tústi. Aldymen 61-mınýtta gol soqsa, 73-mınýtta esepti ústemeleı tústi. Osylaısha «Astana» qarsylasyn 3:1 esebimen tize búktirdi.

Búgingi jeńisinen keıin elordalyq klýb 27 upaımen úshinshi orynǵa kóterildi.

Atalǵan týrda búgin taǵy tórt oıyn ótkiziledi. Qazir birinshi kezeńnen keıin «Qyzyljar» men «Ordabasy» 0:0 esebimen teń túsip jatsa, «Taraz» «Kaspııden» 0:1 esebimen jeńilip jatyr. Al «Shahter» men «Jetisý», «Oqjetpes» pen «Tobyl» arasyndaǵy oıyndar elorda ýaqytymen 18:00-de bastalady.


Avtor Ádiljan Úmbet
Basty sózder: Sport,
Joǵary qaraı