Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: «Aqjaıyq» bıylǵy maýsymda alǵash ret teń oınady

2021 jyldyń 22 maýsym 2021 22:46

ORAL. QazAqparat - Fýtboldan Qazaqstan chempıonatynyń 17-týrynda Oraldyń «Aqjaıyǵy» óz alańynda Qaraǵandynyń «Shahterin» qabyldady, dep habarlaıdy QazAqparat tilshisi.

Match taǵdyry ekinshi taımda sheshildi.

Aldymen 54-mınýtta «Aqjaıyq» sapyndaǵy ýkraınalyq shabýylshy Nıkolaı Kovtalıýk esep ashty. Bul onyń osy birinshiliktegi altynshy goly edi. Alaıda toǵyz mınýttan keıin alań ıelerinen belorýssııalyq Pavel Nazarenko óz qaqpasyna gol soǵyp aldy.

Osylaısha qos komanda 1:1 esebimen teń tarqasty.

Buǵan deıin 8 matchta jeńiske jetip, sonshama oıynda utylǵan «Aqjaıyq» alǵash ret qarsylasymen teń tústi.

Týrnır kestesinde 25 upaımen ázirge tórtinshi ornyn saqtap qalǵan ýkraınalyq maman Vladımır Mazıardyń shákirtteri kelesi kezdesýin 27 maýsym kúni Oralda «Tarazben» ótkizedi.

Eske sala keteıik, budan buryn «Aqjaıyqtyń» syrt alańda «Qyzyljardan» basym túskenin jazǵan bolatynbyz.




















Sýretter - Aıbatyr Nurash.


Avtor Eljan Eraly
Basty sózder: Sport,
Joǵary qaraı