Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Fýkýsıma-1» atom elektr stantsııasynda asa qaýipti radıatsııalyq aýmaq anyqtaldy

2021 jyldyń 27 qańtar 2021 16:21

TOKIO. KYODO NEWS-QazAqparat - «Fýkýsıma-1» atom elektr stantsııasynyń zardap shekken úsh energobloktarynyń joǵary bóliginde radıatsııalyq belsendiligi asa joǵary aýmaq anyqtaldy. Bul týraly Atom energetıkasyn baqylaý memlekettik komıtetiniń sársenbi kúngi bekitilgen baıandamasynda aıtyldy, dep habarlaıdy QazAqparat Kyodo agenttigine silteme jasap.

Baıandamada 2011 jyldyń naýryzyndaǵy apat kezinde tastalǵan tsezıı ızotropynyń onnan bir bóligi jınalyp qalǵandyǵy atap kórsetilgen.

Asa joǵary radıobelsendilik oshaqtary búlingen reaktorlardyń korpýsyn jaýyp turatyn úsh temirbeton qalpaq mańyndaǵy úsh energoblokta ornalasqan. Ol jerdegi sáýlelený dárejesi saǵatyna birneshe zıvert bolǵandyqtan, adamdy nebári birneshe saǵat ishinde óltirip jiberýi múmkin. Sondaı-aq bul jaǵdaı atom stantsııasyn bólshekteý jumysyn baıaýlatady.

2011 jyldyń naýryzynda «Fýkýsıma-1» AES-te tsýnamı saldarynan energojabdyqtaý jáne sýytý júıeleri isten shyǵyp, úsh reaktorda ıadrolyq otyn balqydy, sonyń saldarynan sýtek atylyp, atmosferaǵa radıatsııa tarady. Jaqyn mańdaǵy eldi mekender lastanyp, 165 myń adam evakýatsııalanǵan bolatyn. Qazirgi kúni bul aýdan aıtarlyqtaı tazartylǵan, turǵyndardyń kóp bóligi mekenine qaıta oraldy.

Qazir AES-te taratý jumystary júrip jatyr, stantsııany qalpyna keltirý úshin kem degende 40 jyl qajet.


Basty sózder: Oqıǵa, Ekologııa, Álem,
Joǵary qaraı