Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Frantsııa koronavırýsqa qarsy kúres sharalaryn kúsheıtti

2021 jyldyń 27 shilde 2021 07:41

NUR-SULTAN. QazAqparat - Frantsııa parlamenti indetke qarsy sharalar týraly zań jobasyn qoldady, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Qujattyń eki qaralymynan soń medıtsınalyq qyzmetkerlerdi, órt sóndirýshilerdi jáne áskerılerdiń birqatar sanatyn mindetti túrde vaktsınalaý týraly ereje engizildi. Sondaı-aq, jobaǵa sáıkes, bılik ózin-ózi oqshaýlaý rejımin saqtamaǵan vırýs juqtyrǵandarǵa baqylaýdy kúsheıtedi.

AQSh-taǵy dárigerlerdiń, medbıkelerdiń, farmatsevtterdiń múddesin qorǵaıtyn 50-den astam uıym medıtsına qyzmetkerlerine koronavırýsqa qarsy vaktsınany mindetti túrde saldyrýǵa shaqyrdy. The Washington Post gazetiniń habarlaýynsha, bul shaqyrý «eldegi vaktsınatsııanyń baıaý qarqynyna» baılanysty medıtsınalyq qoǵamdastyqtyń «barǵan saıyn qatal ustanymǵa» bet burǵanyn bildiredi.

Birqatar elderde koronavırýstyń táýliktik juqtyrý deregi boıynsha antırekord tirkeldi: Iranda — 31 814 jaǵdaı, Taılandta — 15 376 jaǵdaı, Qazaqstanda — 6 637 jaǵdaı.


Basty sózder: Álem, Koronavırýs, Medıtsına,
Joǵary qaraı