Aýa raıy
Astana -22 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Fırýza Sháripova Máskeýde serbııalyq boksshyny jeńdi

2020 jyldyń 31 qazan 2020 00:07

MÁSKEÝ. QazAqparat – Máskeý qalasyndaǵy «Keńester qanaty» sport kesheninde kásipqoı boks keshi ótip jatyr. Onda qazaqstandyq sportshy Fırýza Sháripova (11-1, 6 KO) óner kórsetti, dep habarlaıdy QazAqparat Sports.kz saıtyna silteme jasap.

Sháripova serbııalyq Sara Marıanovıchpen (7-7, 3 KO) aıqasty. Segiz raýndqa eseptelgen jeńil salmaqtaǵy jekpe-jek tóreshilerdiń biraýyzdy sheshimimen qazaqstandyq boksshynyń jeńisimen aıaqtaldy.

Osylaısha, Fırýza Sháripova profı-rıngtegi 12-inshi jeńisine qol jetkizdi. 26 jastaǵy sportshymyz úshin bul – 2020 jylǵy ekinshi aıqas. Buǵan deıin ol tamyz aıynda Tanzanııa ókili Heppı Daýdıdi (9-7-1, 4 KO) besinshi raýndta nokaýtqa jibergen bolatyn.

Serbııalyq Sara Marıanovıch búgin óz mansabynda segizinshi ret jeńildi. Máskeýdegi boks keshin «Qazsport»telearnasy men SHAMO BOXING Youtube-arnasynan tikeleı efırden kórýge bolady.

Kesh hedlaınerleri – reseılik boksshylar Shámil Hataev (4-0, 1 KO) pen Grachıa Margarıan (7-1-1, 5 KO). Olar orta salmaqta WBA Asia chempıony tıtýly úshin aıqasady.




Avtor Mıra Tólendiqyzy
Basty sózder: Sport, Reseı, Boks,
Joǵary qaraı