Aýa raıy
Astana 7 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Fırýza Sháripova IBA nusqasy boıynsha álem chempıony tıtýlyna talasady

2020 jyldyń 31 shilde 2020 01:33

NUR-SULTAN. QazAqparat - Qazaqstandyq boksshy Fırýza Sháripova 15 tamyz kúni Sochı qalasynda IBA nusqasy boıynsha álem chempıony ataný úshin jekpe-jekke shyǵady, dep habarlaıdy QazAqparat sports.kz resýrsyna silteme jasap. .

Bul jóninde Sochı qalasy boks federatsııasynyń prezıdenti Ilıa Varov málimdedi.

«29 shildede biz Halyqaralyq boks qaýymdastyǵynan (IBA) Fırýza Sháripovanyń álem chempıony ataǵyna talasýyna múmkindik beretin aıqasty ótkizýge sanktsııa aldyq. Onyń qarsylasy - tanzanııalyq sportshy Heppı Daýdı», - deıdi ol.

Jekpe-jek eki mınýttan turatyn 10 raýndqa sozylady. Salmaq dárejesi - 63,5 kg.

Bul kezdesýde Sháripova jeńse, ol Qazaqstan tarıhyndaǵy kásipqoı bokstan úsh salmaq dárejesi boıynsha alǵashqy álem chempıony atanyp, IBA belbeýine ıe bolady. Kezinde Vladımır Klıchko, kishi Roı Djons, Mennı Pakıao jáne Bernard Hopkıns sekildi ataqty boksshylarda dál osyndaı belbeý bolǵan.

Sondaı-aq bıylǵy 12 naýryzda Qazan qalasynda ótken týrnırde Olımpıada fınalısi Sofıa Ochıgava ıtalııalyq Amıra Kanıtstsarony nokaýtqa jiberip, osy ataqty jeńip alǵan bolatyn.

Eske sala keteıik, biz buǵan deıin Fırýza Sháripovanyń Mınsk qalasynda ótedi dep josparlanǵan aıqasy koronavırýs epıdemııasyna baılanysty keıinge qalǵanyn habarlaǵan bolatynbyz.

Perevod Janat Qapalbaeva
Basty sózder: Boks, Sport,
Joǵary qaraı