Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Fırýza Sharıpova búgin Máskeýde serbııalyq Sara Marıanovıchpen aıqasady

2020 jyldyń 30 qazan 2020 11:18

NUR-SULTAN. QazAqparat – Búgin, 30 qazanda Máskeýde ótetin kásibı boks keshine qazaqstandyq boksshy Fırýza Sharıpova (11-1, 6 KO) qatysady, dep habarlaıdy QazAqparat Sports.kz saıtyna silteme jasap.

Sharıpova Serbııa boksshy Sara Marıanovıchpen (7-7, 3 KO) jekpe-jekke shyǵady. Jeńil salmaqtaǵy aıqas eki mınýttan bolatyn segiz raýndqa eseptelgen. Tikeleı kórsetilimdi «Qazsport»telearnasy men SHAMO BOXING Youtube-arnasynan tamashalaýǵa bolady. Bastalýy – Nur-Sultan ýaqytymen saǵat 18:00-de.

Fırýza Sharıpova óziniń sońǵy aıqasyn tamyz aıynda ótkizgen edi. Ol besinshi raýndta tanzanııalyq boksshy Heppı Daýdıdi (9-7-1, 4 KO) nokaýtqa jibergen. Sara Marıanovıchtiń sońǵy jekpe-jegine kelsek, ol qyrkúıek aıynda tóreshilerdiń biraýyzdan qabyldaǵan sheshimimen otandasy Nevena Matovıchten basym túsken edi (0-1).

Aıta ketsek, Máskeýdegi boks keshiniń hedlaınerleri – reseılik boksshylar Shámil Hataev (4-0, 1 KO) pen Grachıa Margarıan (7-1-1, 5 KO). Olar orta salmaqta WBA Asia chempıony tıtýly úshin aıqasady.


Basty sózder: Sport, Reseı,
Joǵary qaraı