Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Feık: «Qazaqstanda ata-analarǵa balalardy jazalaýǵa tyıym salynady»

2022 jyldyń 13 qańtar 2022 09:11

NUR-SULTAN. QazAqparat – «Qazaqstan ata-analar odaǵynyń» Instagram-daǵy akkaýntynda elimizde daıyndalyp jatqan zań boıynsha ata-analarǵa balalardy jazalaýǵa tyıym salynady jáne mektepterde jas urpaqty búldiretin jynystyq aǵartý oqytylatyny týraly aqparat jarııalandy. Bul jalǵan, dep habarlaıdy stopfake.kz.

Jeli qoldanýshylary «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn bekitý týraly» QR Prezıdentiniń Jarlyǵyna ózgeris engizý týraly QR Prezıdenti Jarlyǵynyń jobasy týraly qaýlyny oqyǵannan keıin balalardy jazalaıtyn ata-analardy olardy tárbıeleý quqyǵynan aıyrýy múmkin degen qorytyndy jasaǵan. Qazirgi kezde qujat talqylanýda jáne ashyq NQA portalynda usynylǵan.

Shyn máninde, qaýlyda mundaı eshteńe aıtylmaǵan.

– Tujyrymdama jobasyna sáıkes, Qazaqstan Respýblıkasynda otbasylyq saıasatty iske asyrý qaǵıdattarynyń biri turmystyq zorlyq-zombylyqtyń barlyq túrlerine múldem tózbeýshilik, otbasynda balalardy tárbıeleýdiń zorlyqsyz daǵdylaryn qoldanýdyń mańyzdylyǵy bolyp tabylady. Otbasynda balalardy tárbıeleýdiń zorlyqsyz daǵdylaryn qoldanýdyń mańyzdylyǵy qaǵıdaty otbasynda balalardy tárbıeleýdiń zorlyqsyz daǵdylaryna, ata-analardy tárbıeleýdiń zorlyqsyz daǵdylaryna oqytý júıesin qurýǵa baǵyttalǵan qoǵamdyq kózqarastardy nyǵaıtýǵa baǵyttalǵan halyqpen aqparattyq-bilim berý jumysy arqyly iske asyrylatyn bolady. Tujyrymdamada Qazaqstan Respýblıkasynda dene jazalaryna tyıym salý, sondaı-aq dene jazalaryn qoldanatyn ata-analarǵa sanktsııa qoldaný týraly erejeler qarastyrlmaǵan. Joǵaryda aıtylǵannyń negizinde, Tujyrymdama jobasynda dene jazalaryn qoldanǵany úshin balalardy otbasynan tartyp alýdy kózdeıtin ereje joq, – dep habarlady QR Aqparat jáne qoǵamdyq damý mınıstrliginen.

Sonymen qatar, vedomstvo ókilderi erte neke, qalaýsyz júktilik pen túsik tastaýdy boldyrmas úshin jasóspirimdermen jynystyq jáne reprodýktıvti densaýlyqty qorǵaý máselelerin talqylaý usynylatyndyǵyn atap ótti.

– QR Ulttyq statıstıka bıýrosynyń sońǵy derekteri boıynsha, erte jasta nekege turý sany orta eseppen jylyna 1000 jaǵdaıdy quraıdy, jylyna 4,3 myń erte júkti bolý jaǵdaıy tirkelgen. 15-18 jasqa deıingi qyzdar arasyndaǵy abort sany joǵary bolyp qalyp otyr jáne 18 jasqa deıingi jasóspirimder men qyzdardyń jalpy sanynyń 0,1%-yn quraıdy nemese jylyna shamamen 2 myń abort jasalady, – dep túsindirdi mınıstrlikte.

Demek, «Qazaqstan ata-analar odaǵy» postyndaǵy «erte jynystyq aǵartý» týraly habarlamalar manıpýlıatsııa bolyp tabylady.

Sonymen qatar, mınıstrlik ókilderi qazirgi ýaqytta buıryqtyń ashyq NQA portalynda ornalastyrylǵanyn jáne «halyq únine qulaq asatyn memleket» qaǵıdatyn iske asyrý sheńberinde talqylaýǵa usynylǵanyn jáne azamattyq qoǵamnan kelip túsken konstrýktıvti usynystardy qaraýǵa daıyn ekendikterin atap ótti.


Basty sózder: Adam quqyǵy, Zań,
Joǵary qaraı