Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Feık: Densaýlyq saqtaý mınıstrliginde ekpe alǵan qyzmetkerler joq...

2021 jyldyń 19 qazan 2021 13:32

NUR-SULTAN. QazAqparat - Telegram messendjerinde «Densaýlyq saqtaý mınıstrliginde KVI-ge qarsy ekpe alǵan qyzmetkerler joq» degen aqparat taraýda. Onyń avtory bul aqparatty vedomstvoda jumys isteıtin dosynan estigenin aıtady, dep habarlaıdy stopfake.kz.

«Sondaı-aq ol ózi de, áriptesteri de vaktsınalardyń zııandy jáne qaýipti ekenin jaqsy biletindigin málimdegen. Munyń barlyǵy ótirik» delingen habarlamada.

Aldymen, aqparatta feıktiń barlyq belgileri bar ekenin atap ótkenimiz jón: onda el nemese qala ataýy kórsetilmegen.

«Mınıstrlik qyzmetkeriniń» esimi nemese onyń laýazymy belgisiz. Mundaı erekshelikterdiń bolmaýy, naqty aqparattyń berilmeýi jalǵan aqparattarǵa tán. Sondyqtan olardy tekserý jáne aqparattyń bastapqy derekkózin tabý qıynǵa soǵady.

StopFake.kz túsinikteme alý úshin QR Densaýlyq saqtaý mınıstrliginiń baspasóz qyzmetine júgingen. Vedomstvo óz qyzmetkerleri arasynda KVI-ge qarsy vaktsınatsııadan jappaı bas tartý deregi joq dep habarlady.

– Densaýlyq saqtaý mınıstrliginiń ortalyq apparatynda jumys isteıtin memlekettik qyzmetshilerdiń sany – 205 adam. Onyń ishinde 21 adamda medıtsınalyq qarsy kórsetilimder bar, olardyń qataryna úsh aı buryn aýyrǵandar da kiredi. Osylaısha, 184 adam vaktsınatsııalaýǵa jatady, onyń ishinde 178 adam eki komponentpen egildi jáne 6 adam birinshi komponentti aldy. Qyzmetkerler 100% derlik vaktsınatsııalandy, – dep habarlady mınıstrliktiń baspasóz qyzmeti.

Demek, habarlamanyń Qazaqstanǵa eshqandaı qatysy joq jáne barlyq belgileri boıynsha ol — feık.



Joǵary qaraı