Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Feık: «Atyraýda aýaǵa belgisiz hımıkattar shashyldy»

2021 jyldyń 24 qarasha 2021 14:45

NUR-SULTAN. QazAqparat - Internette Atyraýda aýaǵa belgisiz hımıkattar shashylyp jatqany týraly aqparat tarady. Buǵan dálel retinde ushqan ushaqtan soń aspanda qalǵan kondensatsııalyq izdiń sýretteri usynylǵan, dep habarlaıdy QazAqparat.

Stopfake saıtynyń jazýynsha, bul aqparatty Atyraý oblysynyń ákimdigi joqqa shyǵardy.

«Atyraý oblysy Ekologııa departamentiniń habarlaýynsha, atalǵan fakti boıynsha vedomstvoǵa eshqandaı ótinish túspegen. Atyraý oblysy aýmaǵynda ornalasqan atmosferalyq aýa sapasyn baqylaý stantsııalary da osy oqıǵaǵa baılanysty eshqandaı shyǵaryndylardy tirkegen joq. Ushý apparattarymen qandaıda bir hımıkattardy shashý nemese óńdeý týraly aıtý qısynsyz», – dep habarlady vedomstvodan.

Sondaı-aq óńir ákimdiginde málim etkendeı, mamandar fotoda kórsetilgen aspandaǵy aq jolaqtardy kondensatsııalyq iz ekendigin aıtqan. Bul – aýada qozǵalǵan ushý apparattarynan keıin atmosferada kondensatsııalanǵan ylǵaldan, tamshylardan nemese muz krıstaldarynan qalyptasatyn izder.
«Hımtreılder týraly teorııa – ushý apparattarynyń kómegimen hımııalyq zattardy shashý – konspırologııalyq jáne eshqandaı dáleli joq. Biz ony birneshe ret joqqa shyǵarǵan bolatynbyz», - dep jazady portal.


Joǵary qaraı